ما أخذ بالقوة لا يسترد إلا بالقوة

ايه رأيكم في المبدأ ده متفقين معاه ولا مختلفين

أنا عن نفسي متفق مع المبدأ ده وموافق عليه لأنا الانسان بينظر إلى الحاجة بعين طبعه ومن منظوره هو بس فلو أخد حاجة بالقوة وجيت أنا وخدتها بوسيلة تانية غير القوة هيقول الطرف الآخر شوفوا الضعف ويحس بكده انه أذله وبقى هو فوق منه وده مش صح طبعا أما لو أخدته بنفس الطريقة مش هيبقى قدامه حاجة غير الإذعان .......



مستني رأيكم

تقريبا هرد رد مشابهة للمرة اللي فاتت

"لكل قاعدة شواذ "

احيانا زي ما قلت يا نايت ان لازم ارد بنفس الطريقة اللي قدامي عاملني بيها والا هيعتبر دة ضعف

بس غالبا واصلا المفروض استخدم المبدا اللي جاي دة قبل ما ابدا استعمل القوة

انني احاول اخذ كل ما اريدة بس بطريقة دبلوماسية ( وفعلا دي طريقة رهيبة يعني ممكن تاخذ اي حاجة من اي حد مهما كان بطريقة دبلوماسية لذيذة ومتخليهوش يزعل منك وكممان تبقي حققت اللي انت عايزة ) فعلا دي افضل من اني ارد علية بنفس طريقتة
انت ممكن تخلية كمان يعتذرلك مش يديك اللي انت عايزة ..... بس بقي لو منفعتش الطريقة دي
" يبقي المعاملة بالمثل "

طيب وليه الواحد يجرب ولو منفعش يضطر للوسيلة دي

أنا رأيي انه في معظم الأحيان هينتهي المطاف لاستخدام القوة ولا ايه رأيك

لا طبعا مش هينتهي المطاف لاستخدام القوة
لو انت دبلوماسي شاطر هتقدر تاخد اي حاجة من اي حد بدبلوماسية وبدون استعمال القوة اصلا

وبعدين الواحد لازم يجرب الاول عشان ميبقاش القوة هي لغة الحوار.. يعني القوة دي المفروض تكون اخر حاجة نفكر نلجا لها لو كل الوسائل منفعتش

معرفش دة رايي .. مش عارفة متوافق معاكم ولا لا
بس يا رب اكون وصلته صح واقنعتكم به

لا لا لا ما اخذ بلقوة قد يسترد بغير القوة بس هذا لا يعني عدم استخدام القوة
بس انا رايي ان كل انسان بيحاول الحصول على الحاجة اللي هوة عوزها بطريقتة يعني اللي طريقتة القوة بيحاول يحصل على اي حاجة بالقوة اما اللي طريقتة دبلوماسية بيحاول عن طريق الدبلوماسية اما ان كان لية طريقة تنية هيحاول بيها (( وهذا انا ههههههههه ضحكة واحد نازل الكلية دلوقتي ))




المهم مين اللي بيسأل اطيب واحد في الكلية (( بعدي طبعا )) دة انتا اساسا هتسامحة ومش هتسترد حاجة

طيب يا عمرو لو واحد خد منك حاجة بالقوة موقفك هيكون ايه ؟؟؟؟؟؟؟

سيبك من أسلوبه هو , هل انت هتاخدها منه تاني بطريقة دبلوماسية ومعلش في الكلمة تنزل نفسك لمستواه ( ده من منظوره هو اللي هيحس بكده لأنه حس انه أقوى منك ) ولا تاخدها منه بأسلوبه .؟؟؟؟؟

رغم ان السؤال موجه لعمرو بس حبيت اجاوب

انا نفسي توضح بمثال يعني اية حد ياخد منك حاجة بالقوة ( اية اللي هيخلية يوصل لانة يستخدم القوة وياخد حاجة منك ) ياريت مثال عشان اتخيل اكتر

انا هرد عموما كدة : لو حد اخذ مني حاجة بالقوة زي ما بتقول انا اقدر اخلية يجي يعتذرلي ويديني كل اللي انا عايزاه ( مش مستحيل علي فكرة ) بس الكلام دة لو هو غلطان وفعلا واخد حاجة منك مش من حقة ( تقدر تخلية يعترف بغلطة ويرجعلك اللي اخذة )
لكن مستحيل ان يكون اول رد فعل ليك لحد استخدم القوة واخذ حاجة ( بجد مش متخيلة ازاي )
انك ترد بنفس طريقتة دي .. دة مش ضعف ابدا علي فكرة بالعكس دة ذكاء
وبعدين ان ايش ضمنك انك لو استخدمت القوة معاه عشان حقك دة انك انت اللي هتغلبة وتفوز بالحاجة دي وتبقي استرديت حقك منة ..
ممكن اوي برضو هو اللي ينتصر عليك وساعتها بقي هيكون دة فعلا اللي ضعف منك ومش هتوصل لحاجة ابدااااا

هقلك المثال اللي أنا بنيت عليه رأيي

هو مثال احتلال اسرائيل لفلسطين اسرائيل دوله لا أخلاق لها منعدمة المشاعر كل ما أخذته من الأراضي الفلسطينية أخذته بالقوة ومن رأيي انه مستحيييييييييييييييل
ومن رابع المستحيلات ان السلام هيرجع الأرض لصحابها مع ناس زي دول هو ده اللي أنا بنيت عليه رأيي وهو أن يكون الطرف الآخر طرف يعتقد بل ويؤمن بأن العنف والقوة هي الطريق للمجد وأن السلام لعبة للمماطله لا أكتر .

ياااااااااااااه .. اهو انت كدة دخلت في الشواذ
طبعا في مشكلة فلسطين دي عندك حق ( علي العلم ان السادات قدر يرجع سيناء بذكاء رهييب وبالسلام واهي برضو كانت حرب وحرب جامدة جدا كمان وادينا اهو عايشين في سلام حتي الان ) بس فلسطين خلاص عديت مرحلة التفاوض اصلا والسلام والكلام دة وانت فعلا عندك حق كدة لازم القوة عشان يستردو حقهم
بس ثواني .. ازاي بنيت رايك علي حاجة واحدة بس وكمان حاجة زي دي .. صعب اوي

مظنش هتلاقي مثال تاني من حياتنا بياكد كلامك
( حاجة متداولة بتحصل وبنضطر فيها نستخدم المبدا دة )

عندك حق انا فعلا بنيت رأيي على حالة واحدة وشكرا على ردودك الجميلة وعقلك المتفتح بجد شكرا ...

الحمد الله ... وميرسي علي المواضيع الجميلة دي

تقريبا انا جيت بعد الموضوع ماخلص

لكن انا برضه بشوف القوة اخر الطرق

مش بحب ارد الموقف بالمثل

يعنى اما حد يكون غلطان فى حقى او اخد حاجة بالقوه


لو انا غلطت فيه او عاملته بنفس الموقف بقيت زيه وهو ليه حق عندى لانى هغلط فيه

فدايما بفضل اكون الاحسسن واللى معاه الحق

يعنى وجهة نظر بقى لكن بشوف الموضوع كدة


شكرا على الموضوع الجميل

والردود الجامده جدااا فى الموضوع ده بالذات

أنا هأقول رأيي
أولاً قدام انسان استخدم القوة و طغى على حق انسان تاني فده يبقى استغنى عن أدميته و اتحول لحيوان شرس زي الذئب " سوري يا نايت بس هو التشبيه جيه كده"
و في شريعة الحيوانات أبرز أنيابك ليهم و عرفهم انك مش هتكتفي انك تكون حمل وديع أو كائن معندهوش أنياب انما هتتحول لذئب انت كمان و هتبقى أشرس منهم و هم هيخافوا حتى من انهم ييجوا جنبك و هتسترد حقك
و سوري على عالم الحيوانات اللي عيشتكم فيه ده