أرشيف ســكاريت

أرشيف منتديات ســكاريت
 
hmالرئيسيةس .و .جبحـثالأعضاءالمجموعاتدخولالتسجيل

شاطر | 
 

 تايه في الدنيا و الاخره

اذهب الى الأسفل 
كاتب الموضوعرسالة
jasmine
سكروت جامد أوي
سكروت جامد أوي
avatar

انثى
عدد الرسائل : 1164
سنة كام : 2nd
كلية اية : ain shams
المزاج : chocolate
إحترام قوانين المنتدى :
0 / 1000 / 100

نقاط : 0
تاريخ التسجيل : 13/03/2008

مُساهمةموضوع: تايه في الدنيا و الاخره   الإثنين أبريل 07, 2008 1:10 am



قصه تائه في الدنيا
هى قصه خياليه بس ليها غرض

قمت من النوم فجأة
في عيني نور غريب وقوي جدا استغربت النور ده كله جي منين
واندهشت لما لقيت الساعة بتشاور على 3 صباحا وأن مصباح الأوده مطفي
طيب النور ده كله جي منين
وان فزعت لما لقيت نص أيدي جو الحيطة شدتها بسرعة خرجت وأنا ببصلها بكل اندهاش رجعتها تانى لقيتها دخلت جوه الحيطة استغربت إيه اللي بيحصلي ده
وسمعت صوت ضحك بصيت نحيته لقيت اخويا نايم جنبي ولقيته بيحلم انه راكب عربيه آخر موديل
وانه رايح حفلة كبيرة قوي لناس أغنيه قوي وانه لابس أغلى وأشيك لبس عشان يكون أحلى واحد في الحفلة وكان بيضحك وفرحان ابتسمت
بعدين اتفزعت من اللي بيحصل
وقمت من على السرير وجريت على اودة أمي وأبي قعدت اصحي في أمي وأطبطب عليها
وأنديها بس هي مش بتستجيب قعدت أنديها كتير وأطبطب كتير
ولقيتها فجأة قامت كانت مخضوضة قوي وبتبص يمين وشمال
قولتلها يا ماما أنت مش شيفانى لقيتها مش بترد
ولا بتبصلي قعدت أنادى ماما......ماما
كانت حاطة أيدها على قلبها وبتقول بسم الله الرحمن الرحيم ولقيتها بطبطب على بابا وبتصحيه
وقام
قالت له قوم نطمن على الأولاد
ده وقته
قالتله معلش قلبي مش مطمن
في حاجه غريبة
وأنا واقف مستغرب
قعدت اقولها يا ماما
أنا اهو يا ماما
انت مش شيفانى
يا ماما
قامت ومشيت
حاولت امسك هدومها لكن الهدوم مش بتتمسك
جريت وقفت قدمها عدت من جوايا
ملقتش غير انى امشي وراها
وبابا كان وريا
محاولتش ابصله
عشان ما يتجاهلنيش برده
دخلت امى الاوده وفتحت النور
مكنش عندي فرق لأن الدنيا كانت منورة اصل
انفزعت لما لقيتني نايم على السرير
وقعدت ابص لجسمي وايدى وأنا مستغرب
أنا أزاي بقيت اتنين
أنا مين و مين اللي نايم على السرير ده إن مكنش أنا
وقطع استغرابي
جملة بابا استريحتى يا ستى أهم نايمين اهو
لكن هي قالتله معلش أنا عاوزه أطمن على محمد
ولقيتها بتقرب مني قصدي من الشخص اللي نايم مكاني
وبتطبطب عليه كانت بتقوله يا محمد لكن هو مش بيرد وكانت
بتطبطة بشويش وبدأت تهزه جامد
جريت عليها وقلتلها يا ماما أنا اهو
رودي عليا
لكن صوتها كان بيزيد خوف وكان بيعلى
كانت بتنادي
محمد.....محمد
وفجأة صرخت ولقيت الصرخة بتوجعنى قوي
كأنها بتضربنى
بكيت
وقلتلها ما تصرخيش
وهى بتقول محمد
وبابا جري علي وحط أيده على وشى وصرخ وبكى
وحسيت بالوجع تانى
محمد مش بيرد والبكاء بيزيد و أنا مش عارف اعمل إيه
صحي اخويا على الصوت وهو بيسال في إيه
ماما صرخت أخوك مات يا احمد مات و أنا بقولها ببكائي لأ
والله
يا ماما أنا هو شوفيني شوفينى انت مش سمعاني
لكن ما فيش أمل
بصيت للسما وقلت يا رب إيه اللي بيحصل ده
لكن ما لقتش سقف
وشفت ناس ولما شوفتهم مشيوا وحسيت بطعنه غريبة
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد في الصراخ
و ماما بتبكي في حضن بابا
والنحيب بيزيد وقفت قدمهم عاجز
ومذهول رفعت راسي تانى وقلت يا رب
إيه اللي بيحصل يارب في إيه وسمعت صوت من كل حته
كان جي من بعيد ركزت معاه لقيته بيعلا وبيزيد كأنه قرآن
أيوا قرآن والصوت بدأ يقوى يقوى قوي هزنى من شدته كان
بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
فَبَصَرُكَ الْيَوْمَ حَدِيدٌ
زهول الصوت
لقيت أيدين بتطبق عليا اتنين شكلهم مش من البشر بيقوليلى تعالى
انتم مين و عاوزين منى إيه شدونى
صرخت سيبونى
ما تخدونيش من اهلى اهلى فكرنى مت قالولى ما انت مت فعلا
قلتلهم أزاي ما أنا شايف اهو وبتكلم و حاسس بكل حاجه> ابتسموا
وقالوا
عجيب أمركم يا بشر كلكم فاكرين إن الموت نهاية الحياة
وما تعرفوش إن حياتكم موت وحلم طويل هتصحو منه على اليوم ده
على العالم ده سألتهم أنا فين وانتو واخدنى على فين قالولي
أحنا حراسك لحد القبر اتفزعت قبر إيه انتوا هتدخلونى القبر
ردوا كل إنسان لازم يدخل القبر
بس أنا عمرى ما دخلت القبر ده مكتوب على كل البشر
طول عمرى كنت بكره الكلمة دي
ما بحبش اسمعها بستعيذ بالله منها بحاول انسها
مكنتش بقدر أتخيل نفسي في المكان الصعب ده
سألتهم بخوفي هتسيبونى قالولي مع عملك طيب وعملى ده كويس



· سكتم
ولقيت واحد بيصرخ و بيبكي وواحد تانى سعيد قوي
وكل واحد فيهم واقف معاه اتنين بردة زى اللي معايا سألتهم ده
بيبكى ليه
قالوا ده عارف مصيره
طول عمرة كان من أهل الضلال قلت يعنى رايح النار
واللي بيضحك ده رايح الجنة طيب أنا رايح على فين قولولي
ردوا عليا هما كانوا عارفين هما إيه في الدنيا و دلوقتى عارفين هما فين في الاخره وأنت عشت طول عمرك تايه متردد
شويه تمشي صح وشويه تمشي غلط
شويه تتوب وترجع تعصي تاني ما كنتش واضح
هتفضل بردة انهاردة تايه مش عارف حاجه اتفزعت وقلت
إيه يعنى إيه أنا رايح النار
قالولى رحمة ربنا واسعة ولسة الرحلة طويلة
بصيت وريا لقيت عمي وأبويا واخويا ماشين ورآهم أمي وأهلي
بيبكوا
شايلين صندوق جريت عليهم ناديت محدش بيرد
ناديت على امى قلتلها يا امى ما تبكيش ادعيلى ناديت على
بابا قلته يا بابا
خلى بالك من امى واخويا ناديت على احمد
قلتله يا احمد خلى بالك من نفسك سيبك من الدنيا ومتاعها دي
رخيصة قوي
صدقني مش هتنفعك ناديتهم كلهم بس كانو مشغولين بالبكاء
ومحدش سامعنى
مكنتش بتمني حاجه في اللحظة دي
إلا أنهم يسمعوني وشدني الملكين ونزلونى القبر
ونيمونى فوق الجسد عشان أشوف أبويا وهو بيرمى التراب عليا بنفسه
عشان أشوفهم وهما بيودعونى وخوفي عليهم إنهم مش حاسين
باللي أنا حاسة
وحسدي ليهم أنهم لسة في الدنيا بس للأسف
كنت ببكى وهما بيبكوا كنت خايف عليهم من الدنيا قوى
وأتمنى لو اصرخ ولو يسمعوني
وخرجوا كلهم و قفلوا الباب والنور تحول سواد
لا اله الله محمد رسول الله
(منقول)

أتمنى أن نكون من الذين يضحكون في النهاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bebo
سكروت شغال
سكروت شغال
avatar

انثى
عدد الرسائل : 308
العمر : 30
سنة كام : 4th year
كلية اية : medicine
المزاج : coffee
إحترام قوانين المنتدى :
0 / 1000 / 100

نقاط : 0
تاريخ التسجيل : 09/03/2008

مُساهمةموضوع: رد: تايه في الدنيا و الاخره   الإثنين أبريل 07, 2008 4:08 am

القصة دى أثرت فى جدا، وقلبى اتقبض وأنا باقرأها

ربنا يجعلنا كلنا من أهل الجنة

شكرا ليكى يا jasmine
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
semsema
سكروت شغال
سكروت شغال
avatar

انثى
عدد الرسائل : 588
العمر : 29
سنة كام : تانيه
كلية اية : طب عين شمس
إحترام قوانين المنتدى :
100 / 100100 / 100

نقاط : 0
تاريخ التسجيل : 08/10/2007

مُساهمةموضوع: رد: تايه في الدنيا و الاخره   الثلاثاء أبريل 08, 2008 11:17 am

شكرا ياسمين

بجد قصه فظيعه

شكرااااااااااااااااااااا كتيييييييييييييييييييييير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تايه في الدنيا و الاخره
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أرشيف ســكاريت :: من كل بستان زهرة :: ريــــاض الــجــــنــــه-
انتقل الى: