قائد ام تابع ؟

هل تحب ان تكون قائد ام تابع ؟










طبعا كلكو هاتقولو قائد
بس القائد له مواصفات معينه
يعني مثلا هل انت قادر على التفكير الصحيح بسرعه و اتخاذ القرار الصحيح بسرعه بالرغم من العلم بانه مصيري؟
هل انت قادر على انك تمشي كلمتك ؟
هل انت دبلوماسي . قوي الشكيمه ؟ ( ماعرفش يعني ايه شكيمه بس انا بسمعها في الافلام العربي )




انا عن نفسي احب اقول ان انا احب اكون تابع لانني متردده دائما و ده طبعا شئ وحش اوي




يلا
reveal your personality
IT'S YOUR TURN

يا سلام هي ديه المواضيع يا بنتي فعلا
بالنسبة لية فانا احب طبعا اكون قائدة وليست تابعة
ودة بحكم اني اتعودت علي كدة من زمان من ايام المدرسة ابتدائي واعدادي
كنت دايما ببقي قائدة الفصل اللي انا فيه وحاجات تانية كتير(الصراحة مش قادرة اكتب)
وكمان شخصيتي فيها جزء كبير اوي من الشخصية القيادية وان كان دة ما بيبنش اوي
الا مع الناس اليي يعرفوني كويس جدا اهلي يعني


بالنسبة للاسئلة اللي انت سالتيها اعتقد اني الحمد لله قادرة عليهم

وبجد ثانكس علي الموضوع

شكرا يا سيمونا على الرد


طبعا انت شخصيه قياديه جدا زي ماقولت في لعبه مارايك في العضو اللى قبلك


و الدليل على كده انك بتعرفي تخليني اروح بدري من الكليه بالعافيه

هو موضوع الشخصية القيادة او غيرها دة موضوع مش دائم بيبقى حسب الموقف لو الموقف يستدعي القيادة بيبقى لازم يعني مثلا الرجل في بيته لو حتى ساعي بريد وتابع لكل الللا في الشغل بتاعة لازم ياخذ دور القيادة في بيتة
وعلى العكس لو رئيسة وزراء لازم في مواقف هتكون فيها تابع

انا عن نفسى ساعات بحب اتامر وساعات مش بحب يعنى لما مثلا تكون واحدة صاحبتى وفى نفس سنى وتباى قائدة عليا بباى من جوايا مش مستريحة خالص . وانا اللى متاكدة منه انى كنت بحب اباى القائد فى المجموعات اللى بتتعمل جوه الفصل كمسابقة وكده ...لكن حاليا ماعتقدش انى احب اكون قائدة عشان انا ثقتى فى نفسى الت كتييييير عن السنين اللى فاتت وبايت مترددة كتييير مش عارفة ليه

أنا عن نفسي لا أحب أن أكون قائد لأن الجانب العاطفي يسيطر على شخصيتي
وقد يتداخل في قراراتي والقيادة دي مسؤولية كبيرة جدا ما أعتقدش اني ممكن أدي
فيها بنسبة 100% فأفضل التخلي عنها .

شكرا جدا بجد على الردود

تابع طبعا بدون تردد

ان بفضل القياديه اكتر


لكن ماعنديش مانع ابدا اكون تابع لقائد كويس مادام الهدف واحد فى النهايه


وفعلا فيه مواقف لازم الانسان فيها يتجرد من شخصيته القياديه_دا لو كان قيادى فعلا_ عشان المواقف دى تعدى واغلب الاحوال بتكون شخصيه بحته

النتيجه ان الواحد المفروض يكون قائد في المواقف القياديه و تابع في المواقف التبعية

بجد الموضوع ده جنان انا عن نفسي بحب القيادية اوي دايما بحب اكون القائد في أي موقف مع اني متردده جدا بس بجد اكتر حاجة بكرها في حياتي اني اكون تابع لاي حد مهما كان الموقف مش بحب اتأثر بأراء الأخرين لازم يكون الواحد مستقل بتفكيره مهما أثر فيه الاخرين بس مش معني اني قائد اني مش بسمع اراء الاخرين لا طبعا انا بحب اسمع اراء الاخرين بس اكون انا القائد
يمكن نقدر نقول بحب السيطرة و الاستقلال بشخصيتي