أرشيف ســكاريت

أرشيف منتديات ســكاريت
 
hmالرئيسيةس .و .جبحـثالأعضاءالمجموعاتدخولالتسجيل

شاطر | 
 

 Facing the Giants

اذهب الى الأسفل 
كاتب الموضوعرسالة
Dr.Serpent
سكروت جامد أوي
سكروت جامد أوي
avatar

ذكر
عدد الرسائل : 1008
العمر : 29
سنة كام : سنة تانية
كلية اية : Medicine
المزاج : Horror
إحترام قوانين المنتدى :
100 / 100100 / 100

نقاط : 0
تاريخ التسجيل : 10/10/2007

مُساهمةموضوع: Facing the Giants   الخميس يونيو 26, 2008 10:11 am

موضوع بجد أحب مناقشته معاكم و في البداية بس أحب أعتذر من الأول اني ان شاء الله هأطول فيا ريت محدش يزهق و لو حد مستعجل يبقى يقراه بعدين
هو العنوان ده اسم فيلم و اللي شدني في الموضوع اني لقيت الظاهرة دي بجد انتشرت في الأفلام الأجنبية
موضوع الفيلم باختصار انه مدرب فريق كرة قدم امريكية نقدر نقول انه رغم مستواه الكويس و خبرته فاشل في تدريب فريق المدرسة الثانوية و مش عارف يحقق بطولات و طبعاً مستواه المادي تعبان و عربيته خربانة مش عارف يصلحها و بيته في حاجات كتير بايظة و زوجته مبتخلفش
باختصار حالته بؤس و زاد الطين بلة لما بقى يخسر أسهل الماتشات
و طبعاً كان ناقم على الحياة و شايف انها ظالمة لحد ما في مرة شاف رجل أعمى ماشي في المدرسة و عمال يدعي للشباب بالهداية و هو ماشي جنب الدواليب بتاعتهم
فبدأ يكلمه و جت سيرة حياته البائة فالرجل الأعمى سأله ان لو في مزارع محرثش أرضه و المطر جيه هل هو هيستفيد بيه في حاجة
قاله لأ و ان المطر هيبوظ أرضه في الحالة دي فقاله هي دي حياتنا و ربنا بيمن علينا بنعمته بس احنا اللي مش مستعدين و قاله جهز أرضك للمطر
المهم من ساعتها المدرب بدأ يتجه للدين و يفهمه و يطبقه في حياته
و ابتدت حياته تتحسن و الناس ترضى عنه و تغيرات كتيرة للأحسن
لما ركزت شوية في الفيلم لقيته انه بيتكلم عن الأية بتاعت " و من يتق الله يجعل له مخرجاً و يرزقه من حيث لا يحتسب "
و في أفلام تانية كتير غير ده مركزة على ناحية ان الفساد الأخلاقي اللي هم فيه لو ما انتهاش فربنا هيرسل عذابه و سخطه عليهم و ينهيهم
الهدف من الموضوع مش ان هم بيطبقوا الكلام ده ولا لأ و لا هم كويسين ولا زبالة ولا احنا شايفينهم ازاي حتى
الفكرة احنا نفسنا بقينا عاملين ازاي
ان احنا بجد أهملنا الدين و الأخلاقيات
بصوا على الشباب بقوا عالمين ازاي في أخلاقياتهم
عدم مراعاة لأي مباديء أو أخلاق و لا دين
و حتى في الكبار
تلاقي ان أغلبنا مبقاش أمين في شغله
يعني مثلاً التاجر بسم الله ما شاء الله عليه في الغش
و بتاع العيش يبيع الدقيق المدعم حتى العيش اللي بيعمله تلاقيه بيطلع للناس اللي يعرفهم و الباقي يقف في الطابور لو لحق يأخد يأخد لو ملحقش خلاص " ملحوظة ان الموضوع ده اتحل لحد كبير جداً الفترة الأخيرة ربنا يديمها علينا نعمة"
نيجي بقى للفئة المتعلمة اللي عارفة و فاهمة
الدكتور يأخد الأدوية اللي جاية مفروض للمستشفى بدعم حكومي و يا اما يستفيد بيها لنفسه أو يبيعها في الصيدلية
و الصيدلي لما ييجي يبيع الدوا ممكن يديك دوا مختلف عشان بس تاريخ الدوا ده قرب ينتهي عنده ولازم يوزعه
المهندس ممكن أوي يربط مع المقاول و يطلع أساسات مش متينة عشان يوفروا
و غيرهم و غيرهم
و بعد كل ده و نرجع نقول ده الحكومة بتعمل و تسوي و احنا غلابة
من أعمالكم سُلِط عليكم
اللي عايز أقوله ان حل أزمتنا الحالية و الله مش ييجي من الحكومة
انما لما نصلح نفسنا من جوة
متستناش اللي حواليك يتصلح
حاول تبص لنفسك و تصلح منها الأول و ابدأ بنفسك و بعديها في اللي حواليك و اللي حواليك
زي بالظبط اللي بيحصل في الOsefication
مراكز التعظم بتظهر في الغضاريف في البابي و هو في بطن مامته و تبدا توسع و توسع لحد ما العضم يتكون
نحاول و لو لمرة لما نبص لمشاكلنا نبص لغلطاتنا احنا قبل ما نبص لغلطات غيرنا
بجد أتمنى انكم تكونوا فهمتم أنا عايز أقول ايه و مستني أرائكم و مناقشتكم للموضوع ده بجدية و تفكيركم فيه
كان في كلام كتير تاني عايز أقوله بس نسيت أغلبه فلما أفتكره هابقى أكتبه ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Night dragon
سكروت جامد
سكروت جامد
avatar

ذكر
عدد الرسائل : 763
العمر : 29
سنة كام : ثالثه وربنا يستر
كلية اية : طب عين شمس
المزاج : متقلب المزاج
إحترام قوانين المنتدى :
0 / 1000 / 100

نقاط : 0
تاريخ التسجيل : 21/04/2008

مُساهمةموضوع: رد: Facing the Giants   الخميس يونيو 26, 2008 12:05 pm

معاك حق في كل اللي قولته وبجد انا مومن بحاجه ان كل ما هنبعد عن دينا وقراننا ورسولنا هنلاقي دايما ربنا مش راضي عننا وتلاقي الكوارث والمصائب كترت وتلاقينا ضعفنا واستحقرونا كل شعوب الأرض واستهونوا بينا........

المهم انا عاوز اققول في الأخر ان اللي احنا فيه ده بسببنا احنا مش بسبب غيرنا مهما كانت قوة وجبروت غيرنا
وبإدينا نغير اللي احنا فيه ده ونعيش حياه افضل بكتيييييير من دلوقتي

وشكرا يا سيربنت على الموضوع الرائع ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dr.Serpent
سكروت جامد أوي
سكروت جامد أوي
avatar

ذكر
عدد الرسائل : 1008
العمر : 29
سنة كام : سنة تانية
كلية اية : Medicine
المزاج : Horror
إحترام قوانين المنتدى :
100 / 100100 / 100

نقاط : 0
تاريخ التسجيل : 10/10/2007

مُساهمةموضوع: رد: Facing the Giants   الخميس يونيو 26, 2008 12:48 pm

شكراً يا نايت دراجون على تفاعلك
أه افتكرت حاجة كمان ان المؤلف د.أحمد خالد توفيق في واحدة من قصصه و اسمها أرض العظايا افترض ان الوضع سيظل كما هو عليه ان احنا مستسلمين تماماً و مش بنصلح اي حاجة في نفسنا و هنفضل مشتتين و متفرقين و الغرب بيقوى أكتر
ساعتها افترض ان احنا بعد ما تنفذ مواردنا اللي الغرب عايزها مننا هيبدأ يقضي علينا و يوقف تجارته و تعاملاته معانا لحد ما نتحول لعظايا اللي معناها الحرفي الكائنات المنقرضة و ساعتها هيبقوا على جزء صغير أوي مننا للاهتمام العلمي لا أكثر و نتعرض في المتاحف كفصايل نادرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
EMAN
سكروت شغال
سكروت شغال
avatar

انثى
عدد الرسائل : 164
العمر : 29
سنة كام : second
كلية اية : medicine
المزاج : goooooooooooooooooooood
إحترام قوانين المنتدى :
0 / 1000 / 100

نقاط : 0
تاريخ التسجيل : 08/07/2008

مُساهمةموضوع: رد: Facing the Giants   الأربعاء سبتمبر 17, 2008 8:28 am

فعلا يا سيربنت احنا لو عايزين نتغير هانتغير يس ياخسارة احنا بتوع كلام وبس من الكبير للصغير
بس انا باشكرك جدا على طرح موضوع زى ده
واسفه على التاخير لسه شيفاه النهارده
انا هاحاول وهابدا بنفسى ومش هاستنى لما اتحط فى المتحف

----------------------------------------------
سبحان الله عددماكان وعدد ماسيكون وعدد الحركات وعدد السكون
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
Facing the Giants
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أرشيف ســكاريت :: من كل بستان زهرة :: سـكـــــاريــــت كـافـيـه-
انتقل الى: