والله العظيم اقول الحق

Dr Unknown كتب:

ماذا تعتقد سبب غياب العضو سكره عن المنتدي بعد أن كانت عضو نشيط جداااااا؟
ما هي مقترحاتك لتطوير العلاقات بين بهاء وبين...........؟
هل شفت الحلقه؟
إيه رأيك فيها؟

-سكره صحيح كانت عضوة نشيط بس كانت غامضة او بتتصنع الغموض

ودا حسسها انها صعب تتأقلم مع جونا هنا

- خط نت 2 جيجا

- ايوه شوفتها

-0 تحفه طبعا ومصدقتش انها خلصت وكنت مستني تكمله

jasmine كتب:

اختار منصب فى الدوله و اتخذ قرار
اصعب موقف مر بيك؟
هل كنت تتمنى تبقى في مكان تانى غير الى انت فيه دلوقتى؟ ولو هيبقي فين؟
هل تعتقد فعلا ان الصداقه لها مقياس؟
كفايه كده دلوقتى لحسن انت اتسألت كتيييييييييييييييييييييييير اوى

- مش بحب المناصب

- بصراحة مش فاكر

- انا دايما بارضى باللي انا انا فيه

- ايوه وان كان مقياس معنوي

Dr Unknown كتب:

التمساح عنده كام رجل؟؟؟

4

thanx 3ala estadftkm ly

we sry 3ala elt25er fi e5tyar meen ba3dy


Hannod

wellcome on board


sindrlla matlooba lle3traf

welcome hanood
انا مبسوطة جدا انك علي كرسي الاعتراف لاني اكيد هاموت من الضحك علي البهدلة اللي هتحصلك
بس اهم حاجة ان انا فعلان مش عرفة اسألك في أه؟؟لاني ببساطة افتكر اني عرفة كل حاجة عنك حتي لو حاولت اكسفك مش هعرف
المهم خلينا في المهم .....
الاسئلة التقليدية
ايه ترتيبك بين اخوكي الوحيدالصغير؟؟
ايه الاكلة المفضلة؟(مع اني مفتكش انك بتكرهي اكلة
ايه الفيلم المفضل؟(مع انك تقريبا لا تعرفي اختراع التلفاز
كفاية دلوقتي
با ي

ويلكم يا هنود
1- اكتر موقف حصلك فى الكلية وفرحك جدا؟
2- بردو اكتر موقف داياك فى الكلية ؟
3- اكتر حد اثر فيكى ؟
4- الحاجات اللى بدايئك فى اصحابك؟

فين الاجابات يا هند؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خدي عندك
عمرك كنتي في موقف اضطريتي فيه انك تضحي بحاجةعشان حاجة تانية ؟
اكتر جهاز بتستخدميه في البيت ؟(اكيد مش التليفزيون ولا التليفون و لا المكوا ه لا الراديو
موقف زعلتي فيه مني و لسة فكراه حتي الان مش هزعل خالص لو قلتي موقف بجد ؟؟بس بجد انا مش فكره ان احنا عمرنا اتخصمنا
خصام بجد او مثالا ما كلمناش بعض يومين ولا تلاتة يعني شغل العيال ده مع اننا نعرف بعض من ايام ما كنا صغيرين
سلام عشان عايزة اذاكر شوية
جاوبي بقي يا هند

أنا جييييييييييييييييت

أهلا بيك يا سندريلا على الكرسي ونبدأ بشوية أسئلة خفيفة :

صفة فيك نفسك تغييريها ؟
ظلمت حد قبل كده , ولو ده محصلش في حد حاسة بس مجرد احساس انك ظلمتيه ؟
في حد عايزة تقوليلو أنا آسفة , ولو مش عايزة تقلي الاسم بلاش ؟
في حد مزعلك ؟
اكتبي عن نفسك في سطر ؟
رأيك في الاعضاء دول بكلمتين أو تلاتة :
مها :
ايمو :
سكرة :
سيربنت :
بيبو :
عدوي :

كفاية كده دلوقتي عشان اسأل تاني

سوري يا جماعة علي التأخير أصلي ورايا مذاكرة بالهبل و يا ريت تمدوا ليا المدة شوية

المهم بالنسبة لتريقة مها يا اللي هتموتي من الضحك ..كما تدين تدان .... بكره أضحك عليكي انا كمان
بيتهيألي الأسئلة انتي مجاوبة عليها أصلا و انتي عارفاها يا رخمة انا الكبيرة طبعا

ثاني حاجة انا فعلا بحب كل الأكل بس الأكلة المفضلة اوي المحشي طبعا

و الفيلم المفضل و بعدين أصلا انتي عارفة اننا مليش في الهبل ده انا ما بضيعش وقتي في حاجة ما ليهاش لازمة بس علي العموم برده الفيلم اللي انا فاكراه دلوقتي ابو علي

يلا كفاية عليكي كده اركني شوية

منورة يا monaliza
ما أظنش انني فاكرة دلوقتي موقف فرحني أو ممكن يكون مفيش أصلا بس بجد لو افتكرت بعدين هكتبه

الموقف اللي ضايقني هوه مش موقف بس أنا هقول أكتر حاجة ضايقتني ........ بعد نتيجة السنة اللي فاتت حسيت ان ما حققتش اللي انا عايزاه و حسيت اني ما ينفعش احلم اكتر من اللازم

بس كان احساس وقتي الحمد لله ربنا يستر السنة دي و ما يبقاش احساس دائم

3......... انا مش بتأ ثر بحد بسهولة او تقريبا مستحيل بس أكيد لما تكوني عارفه اصحابك من ابتدائي و اعدادي و لسه معاكي لحد دلوقتي أكيد الواحد لازم يكون اتطبع بحاجات هيه ايه انا مش عارفه همه اللي يحددوها و طبعا الكلام ده علي ايمو و مها

الحاجات اللي بتضايقني في صحابي ....................... بيحبوا الأكل بره كتير .............

وبعد غياب ان ظهرت
رغم اني مسالتش حد قبل كده علي كرسي الاعتراف لانكم بتصعبوا عليامن اللي بيتعمل فيكم من باقي الاعضاء وعشان ترحموني بعد كده لكن طبعا لازم ارحب بهنوود ترحيب خاص ودي عينه صغيره
اولا عبري عن نفسك فيما لايزيد عن سطر ولا يقل عن 3 كلمات
اكتر حاجه عجباكي في المنتدي واكتر حاجه مش عجباكي؟
اكترحجه بتحبيها في الكليه واكتر حاجه بتكرهيها؟
لو ممكن ترجعي بالزمن وتغيري حاجه في مسار حياتك تكون ايه؟
ايه الحاجه اللي بتكرهيها في اصحابيك وحاجه بتحبيها فيهم؟
في اي حاجه مديقاكي مني؟وايه هي بس من غير فضايح؟
اكتر حاجه بتحبيها في نفسك واكترحاجه بتكرهيها بنفسك؟
كفايه عليكي كده دلوقتي

ماشي يا مها تاني
عمرك كنتي في موقف اضطريتي فيه انك تضحي بحاجةعشان حاجة تانية ؟
ايوه حصل طبعا و انتي عارفاه كويس لما خلصنا اعدادي و كان قدامي مدرستين ثانوي اختار بينهم و انتي اختلات مدلرسة و انا كنت عايزة التانية بس اضطريت في الأول اضحي بالمدرسة علشان أبقي معاكي
و بعدين صليت استخارة و ضحيت بيكي علشان المدرسة بس صدقيني ده كان غصب عيني و الله كان تخطيط ربنا و انتي عارفه كده كويس

ماشي يا مها تاني
عمرك كنتي في موقف اضطريتي فيه انك تضحي بحاجةعشان حاجة تانية ؟
ايوه حصل طبعا و انتي عارفاه كويس لما خلصنا اعدادي و كان قدامي مدرستين ثانوي اختار بينهم و انتي اخترت مدرسة و انا كنت عايزة التانية بس اضطريت في الأول اضحي بالمدرسة علشان أبقي معاكي
و بعدين صليت استخارة و ضحيت بيكي علشان المدرسة بس صدقيني ده كان غصب عيني و الله كان تخطيط ربنا و انتي عارفه كده كويس

انا عند وعدي ومش باسأل


بس حبيت اعدي اشوفك عاملة ايه ؟


ربنا معاكي

يا سلام يعني هيه جت عليك اسأل ما تحرمش نفسك من أي حاجة

بقية أسئلة يا مها اكتر جهاز بتستخدميه في البيت ؟(اكيد مش التليفزيون ولا التليفون و لا المكوا ه لا الراديو
موقف زعلتي فيه مني و لسة فكراه حتي الان مش هزعل خالص لو قلتي موقف بجد ؟؟بس بجد انا مش فكره ان احنا عمرنا اتخصمنا
خصام بجد او مثالا ما كلمناش بعض يومين ولا تلاتة يعني شغل العيال ده مع اننا نعرف بعض من ايام ما كنا صغيرين


تقريبا انتي بتريقي مش بتسألي ...... المهم اكتر جهاز طبعا هوه الكمبيوتر و طبعا طبعا انتي عارفه اننا مليش في اي حاجة من اللي انت كتباها

موقف زعلت فيه منك...........يا واثقة من نفسك ايه الثقة العمياء دي
فيه كلمة انتي قولتيهالي مرة و بجد حرقتلي دمي ساعتها جدا قولتيلي بلاش دور العقل اللي انتي عاملاه ده بس ما أظنش ان انتي هتفتكريها بس فعلا زعلت منك جدا ساعتها بس يلا المسامح كريم يلا كفاية عليكي كده ارحميني

night wolf اسئلة
صفة فيك نفسك تغييريها ؟
ظلمت حد قبل كده , ولو ده محصلش في حد حاسة بس مجرد احساس انك ظلمتيه ؟
في حد عايزة تقوليلو أنا آسفة , ولو مش عايزة تقلي الاسم بلاش ؟
في حد مزعلك ؟
اكتبي عن نفسك في سطر ؟
رأيك في الاعضاء دول بكلمتين أو تلاتة :
مها :
ايمو :
سكرة :
سيربنت :
بيبو :
عدوي :

1... بجد انا قربت ازهق من نفسي علشان طموحاتي الزائدة عن اللزوم .... كمان التفكير الممل قبل ما أخد أي قرار علشان أنأ محبش اندم علي حاجة

2.....ظلمت دي كلمة صعبه اوي و حتي كمان ما عنديش احساس اني انا ظالمة حد بجد لو انا كان عندي الاحساس ده ما أظنش انه يخليني أغمض عيني و أنام أبدا

3....... اسفة برده دي كلمة صعبة عندي اوي ما اظنش انني ممكن اتأسف لحد حتي لو كنت غلطانة هصحح الغلط بس كوني اقول اسفة بيتهيألي ما حصلتش قبل كده و الله أعلم ممكن تحصل في يوم من الأيام

4....حاليا محدش مزعلني
5.. انا طموحة زيادة شوية نفسي أحقق حاجات كتير, و بحب أثبت وجودي في اي حتة و مبعرفش اكره حد
6... مها طيبة بجد شفافة جدا و لذيذة جدا و انتيمتي بس بتزعل بسرعة
ايمو عسوله و متدينة و ايجابية و برده انتيمتي بس عندية
سكره العضو الغامض
سيربينت هادي و غامض
بيبو الصراحة معرفهاش
عدوي طيب و اجتماعي و هوه السبب في اللي انا فيه دلوقتي

i am so so sorry hanood
انا فعلا افتكرت الموقف تقريبا بس اكيد و انت عرفة ان ماكش قصدي المعني الكبير اللي يزعلك وبعدين انت مفروض عرفتي ان مرحلة التفكير في الكلام قبل ما يتقال (مفروض موجودة عن الناس عشان تعرف بتقول اه و تتحمل العواقب) و لكن للاسف هي تقريبا مفقودة عندي و بحاول اعملها بس في مواقف قليلة
salam

أنا جييييييييييييييت

اجاباتك يا سندريلا إجابات منطقية وموضوعية تؤكد أنك على ارتباط وثيق بعالم الأخبار ومطلعة على ما يدور في العالم من حوادث يسعى العالم لتغييرها بكافة الوسائل ومن تلكم الوسائل ماتوصلت إليه من مش عارف ايه وايه وايه .............. شوية تهييس

واضح من اجاباتك ان طموحاتك واسعة جدا وده مش عيب ؟ ولكن هل وجدتيها غير اللي حصل ؟
لما بيحصل وده كتير ان طموحاتك تتحطم على ساحل الحقيقة ؟ بتتصرفي ازاي ؟
من اجاباتك انت شخصية صعبة المراس أو بمعنى أصح صاحبة مزاج خاص ؟
ممكن أقول عليك شخصية تحب أن تعيش في عالمها الخاص منعزلة عن غيرها وهناك عدد قليل يستطيع دخول هذا العالم ؟
بما انك الأخت الكبرى , حصل مرة واستغليتي كونك كده , طب حصل مرة انك اتمنيت تبقي أصغر واحده ؟

كده كفاية لحد ما افكر في شوية أسئلة تانية

في البدايه اهلا بيكى فى و الله العظيم اقول الحق
و نبدأ نسأل بقه
ما هو لونك المفضل؟
من هو اقرب انسان ليكى؟
لما بتزعلى من حد بتصرحيه انك زعلانه منه ولا لأ؟

أول مرة أسأل حد على الكرسي في المنتدى ده
لو سندريلا احتاجت نصيحة بتروح لمين ؟؟
و لو في مرة حسيتي انك مكسورة و عايزة تروحي مع حد و تفضفضي هيكون مين ؟؟
و سؤالي المشهور لو انتي قابلتي نفسك في يوم من الأيام هتعجبوا ببعض و تبقوا أصحاب كويسين ولا هتتخنقوا من بعض ؟؟

اسئلتك يا ايمان
اولا عبري عن نفسك فيما لايزيد عن سطر ولا يقل عن 3 كلمات
اكتر حاجه عجباكي في المنتدي واكتر حاجه مش عجباكي؟
اكترحجه بتحبيها في الكليه واكتر حاجه بتكرهيها؟
لو ممكن ترجعي بالزمن وتغيري حاجه في مسار حياتك تكون ايه؟
ايه الحاجه اللي بتكرهيها في اصحابيك وحاجه بتحبيها فيهم؟
في اي حاجه مديقاكي مني؟وايه هي بس من غير فضايح؟
اكتر حاجه بتحبيها في نفسك واكترحاجه بتكرهيها بنفسك؟

1..... جاوبته قبل كده الحمد لله
2...... أنا عمري ما كنت بدخل علي منتديات ( في حياتي) بس عجبني في المنتدي انه مجمعنا كطلبة طب نطلع غلبنا في بعض و طبعا اللي مش عجبني فيه اللي بيحصلي ده دلوقتي

3....... طبعا اكتر حاجة عجباني في الكلية ان هيه دي اللي انا كنت بتمناها و بجد الدراسة لذيذة بس طبعا مش كله
و بالتأكيد اللي مش عجبني ان انا كل لما اجي ابص لقدام احس ان المشوار طويييييييييييييييييييييييل
4....ما اظنش لحد دلوقتي ان فيه حاجة ندمانة عليها لا لا استني انا نفسي ارجع بالزمن سنة اولي كلية بس و ‘أذاكر من أول و جديد بس عدل
5....... الحاجة اللي بحبها في اصحابي لما بجد نقف جنب بعض في ؟أي موقف بجد بحس ان احنا صوت واحد الحاجة اللي بكرها بقي لما أإكون متوقعة من حد فيهم رد فعل في موقف و الاقي حاجة تانيه خالص بجد باتصدم
6... ااااااااااااااااااااه ليه بس بتقلبي في الماضي ده انتي بنفسك قولتي من غير فضايح علي العموم الحاجة العادية اللي بتفرسني منك العند لمجرد العند و خلاص حتي علي اتفه الامور بس يلا اتأقلمت يلا .......... و بيتهيألي مش لازم أقول أكتر ....... أظن انتي فاكره كويس بلاش فضايح
7....... اكتر حاجة بحبها في نفسي اني ما بتأثرش برأي حد في حاجة رأي يبقي هوه رأي الأول و الأخير بكره في نفسي ايه قولتها مرة هيه صورة و لا ايه
يااااااااااااااااااه كفاية عليكي كده

يا حبيبتي يا هند بجد الاسئلة كتير قوي
الله معك
شيفة الجدعنة مش هسأل مع اني كنت دخلة اسأل

انتي صعبانه عليا بجد عشان كده مش هسال اصل باين ان كل المنتدي كان مستني دخولك عشان يسالك
وشكلك شايله مني جامد اوي

يا سلام ايه الحنية دي كلها لا بجد جديدة عليكوا
يا جبناء خايفين من اللي هيحصلكوا بعدي