طبعا العبارة دي مش سليمة في كل الاحوال وانت ذكرت امثلة حلوة اوي
فعلا الواحد ممكن يسرق ويقولك اصلي عايز ابقي غني واساعد الفقراء وابني مسجد ( اهي غايتة حلوة وكل حاجة ) بس وسيلتة حرام في حرام اصلا ( السرقة )
يبقي هنا مستحيل نقول ان الغاية تبرر الوسيلة
بس لكل قاعدة شواذ
احيانا ممكن نستعمل العبارة دي وتكون سليمة
يعني مثلا في حالة الحروب .. لما نلاقي عميل لبلد عربية مسلمة ذهب لبلد كفار عشان ينقل اخبارهم لبلدة مثلا ويتابعهم ( جاسوس يعني بس مبحبش اقولها )
دة غايتة خير وهي انة ينصر بلدة باي شكل وفي سبيل ذلك بيستخدم وسائل عديدة اي كانت يعني بيعمل بعاداتهم وتقاليدهم ( بيشرب خمر ويلهو ومش بيصلي ) وبيكون دة غصب عنة
في الحالة دي نقدر نقول ان الغاية تبرر الوسيلة
وكمان لما يبقي اتين متخاصمين وبنحاول نصالحهم وكل حد فيهم بيقول كلام وحش علي التاني اكيد يعني مش هروح انقل الكلام بحزافيرة منعا للكذب ... لا انا هنا غايتي اني اصلح بينهم ووسيلتي لكدة اني ممكن اجمل الكلام او حتي االف كلام واوصلة ليهم بطريقة حلوة عشان اصلحهم علي بعض ( يعني فيها شوية كذب ) بس ربنا صرح بكدة
وهنا برضو نقدر نقول ان الغاية تبرر الوسيلة
يعني نطلع بالمثالين : ان الواحد لازم تكون غايتة خير اولا ولازم تكون وسيلتة لتحقيقها خير برضو ( يعني مينفعش تكون الغاية او الوسيلة بتغضب ربنا ) الا
وبعدين كل حد بيبقي قادر يميز بين الصح والغلط واللي ينفع يتعمل واللي ما ينفعش