عن امتحان الهيستولوجي 2008

أنا أول مرة أشترك فى المنتدى وننفسى تقبلونى صديقة ليكم خصوصا nonoونفسى كمان أعرف آرائكم عن امتحان الهستولوجى

أهلاً و سهلاً بسيادتك
و سعيد اني أول واحد يرد عليكي
و ان شاء الله تنبسطي هنا في المنتدى
بالنسبة للامتحان فهو كان سهل بس محتاج وقت طويل قوي

اهلا بيك فى المنتدى
وانا شايف ان الامتحان ساوى المذاكر مع المش مذاكر
وده ظلم لان الوقت قليل

والله الامتحان كل سؤال فيه سهل بس لوحده
لكن ككل كده مع بعضه .......................... ................. ..

أهلا بيك في عالم السكاريت , وأتمنى يارب انه يعجبك

أما بالنسبة للامتحان , الوقت مكنش كفايه ................ وكان في ناس داخله الامتحان على أساس انه تلات ساعات واتفاجئت بمعنى اتفاجئت ان الامتحان ساعتين بس ........... ولكن الحمد لله


وبرحب بيكي مرة تانية

اولا اهلا بيكى ضيفه عزيزه علينا فى المنتدى واتمنالك التوفيق وتكونى من الاعضاء الموثرين
ثانيا الامتحان كان مهزله حقيقيه
بجد نفسى اعرف الامتحان ده بيقيس ايه فى قدرات الطالب (ياترى الذكاء ولا الفهم ولا المذاكره ولا الحفظ ولا..)طبعا ولا حاجه من ده
لكنه بييقس قدره الطالب على انه يسبق الزمن
بجد حرام لما الواحد يبقى عارف اجابه السوال كويس جدا لكنه يضطر انه يحله اى كلام عشان يعرف يخلص
طيب دلوقتى بقى نفسى حد يقولى فاديتنى بايه المذاكره اذا كنت مش لاقى وقت اكتب الى انا مذاكره
واضح ان الشخص الى حاطط الامتحان مفكر ان اى سوال عليه درجات قليله يبقى
short essy
والامتحان مجرد فرد عضلات وحب من الشخص الى حطه انه يكون ظاهر فى الاضواء
كفايه كده لانى فعلا بتعصب كل مافتكر الامتحان ده
......................
تقبلى تحياتى

مع احترامي لكلامك يا تايجر بس في حاجة شكلك ماخدتش بالك منها
ان د.محمد لحد يوم الامتحان الصبح كان بيحاول يخلي الامتحان 3 ساعات
تقريباً و الله أعلم هو كان متصور انه هيحط الكلية قدام الأمر الواقع
و هو الامتحان لو كان بيقيس حاجة فعلاً
فهو بيقيس مقدرتك على التلخيص و كتابة الحاجات المهمة من غير الدخول في تفاصيل فرعية
بس متنسوش يا جماعة ان د.محمد كان طيب معانا طول السنة و في امتحان نص السنة و امتحان العملي ظبطلنا الامتحانين
صح ولا أنا غلطان ؟؟

اهلا بكي يا دكتوره لولو..واتمنى تقضى وقت ظريف في المنتدي...
الامتحان كان وقته ضيق جدااا.....انا معاك يا سيربنت انه محتاج النقط الاساسيه...
بس مثللا فى سوال الاول بتاع circum.villa
الواحد بعد ما كتبه وعدي..الدكتوره تقولك ياريت تكتب سطرين عن
taste buds....
بذمتك ده ينفع...
اللى حصل فى الامتحان كان غلطه من الدكتور فى جزئية انه مكانش متاكد من حوار ان الكليه هتوفقله على الوقت
وجانب التاني من الكليه اللى رفضت حتى انها تدي ربع ساعه (وقال: انا بس اللى احدد الوقت)
وطبعا فى النهايه احنا اللى اتخدنا فى الرجلين...
ثانيا يا سيربنت..انت بتقول انه بيقيس قدراتك انك تكتب الحاجات المهمه من غير تفاصيل...طب هو انت مش لازم تفتكرها...ولا هى مكتوبه قدامك...وانت بتنقلها....
على اي حال ....الحمد لله...الذي لايحمد على مكروه سواه..وربنا يسهل فى اللى جاي ان شاء الله

اقتباس :

مع احترامي لكلامك يا تايجر بس في حاجة شكلك ماخدتش بالك منها
ان د.محمد لحد يوم الامتحان الصبح كان بيحاول يخلي الامتحان 3 ساعات

والله بزمتك ده كلام هو احنا خلاص بقينا حقل تجارب
هو حاطط امتحان ساعتين وكاتب فى ورقه الاسئله كده يبقى المفروض يراعى ان الاسئله تكون على قد الوقت
وعلى الاقل لو زى مابتقول معرفش يخلى الوقت 3 ساعات كان لغى بعض الاسئله وده برضه مايغفرش الغلطه بتاعته
لانه امتحان مش لعب عيال هو

اقتباس :

هو الامتحان لو كان بيقيس حاجة فعلاً
فهو بيقيس مقدرتك على التلخيص و كتابة الحاجات المهمة من غير الدخول في تفاصيل فرعية

والله يابنى ان شايف ان كل اجابات االاسئله كلها حاجات مهمه الواحد كان محتار يسيب ايه ولا ايه
يعنى متلا هتسيب ايه فى
fundus /pylurus
bloodsinuoid /space of diss
pody cytes /mesangial/spermatogenic cells.............
من الاخر الامتحان ده مش محتاج واحد مذاكر كويس محتاج واحد مذاكر كلمتين فى السريع كده

اقتباس :

بس متنسوش يا جماعة ان د.محمد كان طيب معانا طول السنة و في امتحان نص السنة و امتحان العملي ظبطلنا الامتحانين
صح ولا أنا غلطان ؟؟

لا طبعا غلطان
لانى اذا كان الى حصل فى الايسى مهزله فا الى حصل فى الام سى كيو مهزله اكبرلانه باختصار
اكنش امتحان دا كان دعايه حقيره للكتاب بتاعبه كلنا كنا تقريبا بنعرف حل السوال من قبل حتى منكمل قرايته ليه لانه منقول بالنص
من كتابه دا حتى كان نفس ترتيب الاسئله
هو اساسا مايهموش ان الطلبه تتعلم ولا لا انما يهم انهم اشتروا كتبه ولا لا

بجد كفايه لانى لو كملت ممكن اخرج عن شعورى
.....................
تقبل تحياتى

أهلا بيكي يا دكتورة لولو وأتمنى انك تقضي وقت سعيد معانا
بالنسبة للامتحان الوقت كان ضيق جدا جدا جدا وأعتقد كلنا متفقين على كده
الحمد لله على كل شىء
وأتمنى التوفيق للجميع

لكن .....................
عندي تعليق تاني علي كلام مصطفي بالنسبة قدرة الطالب علي التلخيص وكتابة النقط المهمة
تقريبا كلنا عندنا كتاب الاسئلة بتاعو انا معترفة انه مجبش حاجة خارجة عنه لكن الاجابة فيه بتحسسك ان كل كلمة مهمة جدا
لو كان عايز يجيب فعلا
short essay
كان لازم ينزل الكتاب مبين الحاجات المهمة عشان انا مش دكتورة هستولوجي ولا مصححة للورق عشان اعرف الدرجة هتتاخد علي ايه؟؟ وكمان فدرة الطالب علي التلخيص لازم تعتمد انه عارف الاجابة عشان تعرف يلخص المهم و ده طبعا محتاج وقت طويل جدا
انا فعلا عندي احباط من الامتحان لكن الحمد لله

في حاجة بس واضح انكم مفهمتونيش أنا مش بأقول ان الامتحان كان كويس ولا ان دكتور محمد كان صح
هو غلط لما ماتأكدش من موضوع الوقت و قدام مكانش لسه خد الموافقة يبقى مكانش ينفع يحط الوقت على حاجة لسه محصلتش
أنا بس بأقلكم انه لما نيجي نعاتب نعاتب بقدر و نقول اللي حصل كله مش اللي احنا شفناه بس
غير كده يا بلاك تايجر على موضوع الام سي كيو لعلمك أنا من أكتر الناس اللي معترضة ان يقولك الامتحان جاي من الكتاب الفولاني ولا ايه المعلومات اللي عليكم من الكتاب لاننا مفروض هنبقى دكاترة بمعنى ان كل المعلومات علينا و احنا المفروض في كلية يعني ملناش منهج بعينه
لكن عارف لو دكتور محمد مكانش عمل كده و جاب امتحان الام سي كيو من غير ما يدي كتاب كنت هتقوله عليه دكتور صعب و معقد زي ما بيحصل في البيو كيمستري
الموضوع انه مصلحة مشتركة

ازيك يا لولو
انا كمان اول مشاركة ليا في المنتدى ده
بس واضح انو منتدى جامد

وبالنسبة للامتحان انا اتعلمت حاجة مهمة بعد الامتحان ده
ان اهم من ان الواحد يذاكر انو يعود نفسو يحل امتحانات تحت ضغط و في وقت قليل
يجمع مثلا ولاد العيلا ويقعدو يصرخو و يصوتو جنبو
و يشغل مثلا الراديو علي الاخر
و في نفس الوقت يقعد يحل امتحان ويدى لنفسو نص ساعة

بالظبط زى ما قال د طاهر ان السوال بتاع
fundic & pyloric gland
ياخد 5 دقايق اخرو

desoqy كتب:

وبالنسبة للامتحان انا اتعلمت حاجة مهمة بعد الامتحان ده
ان اهم من ان الواحد يذاكر انو يعود نفسو يحل امتحانات تحت ضغط و في وقت قليل
يجمع مثلا ولاد العيلا ويقعدو يصرخو و يصوتو جنبو
و يشغل مثلا الراديو علي الاخر
و في نفس الوقت يقعد يحل امتحان ويدى لنفسو نص ساعة

..................
جامده جدا الجمله دي....

desoqy كتب:

يجمع مثلا ولاد العيلا ويقعدو يصرخو و يصوتو جنبو
و يشغل مثلا الراديو علي الاخر
و في نفس الوقت يقعد يحل امتحان ويدى لنفسو نص ساعة

بالظبط زى ما قال د طاهر ان السوال بتاع
fundic & pyloric gland
ياخد 5 دقايق اخرو

ههههههههههههههههههههههههه
زي العسل يا دسوقي و ربنا

اقتباس :

لكن عارف لو دكتور محمد مكانش عمل كده و جاب امتحان الام سي كيو من غير ما يدي كتاب كنت هتقوله عليه دكتور صعب و معقد زي ما بيحصل في البيو كيمستري
الموضوع انه مصلحة مشتركة

بص ياسربنت دكتوره كريمان ليها كتاب ام سى كيو لكن عمرنا ماشفناها عملت زى الشخص ده ونقلت منه بالنص
يابنى بقولك فى امتحان الام سى كيو الى كان فى السكشن كان فيه اسئله جايه بنفس ترتيبها فى الكتاب

دكتور شكورى برضه نفس النظام لاوم تكون فاهم اسئله الام سي كيو عشان تعرف تحل لانه لما بيجيب من كتابه بيغير حاجات فى الاسئله
دكتوره صابحه على الرغم من ان امتحاناتها صاعبه لكن اعتقد ان كل الاسئله من محتوى كتاب الشرح

انت تعرف قمه المهزله لما كان فيه سوال فى امتحان اعمال السنه هستولوجى كان بيتكلم عن اكبر
villiموجوده فين
طبعا فى
dudenum
وكل الدكاتره عرفين كده
لكن اضطره يمشوها
jujuneum
عشان موجوده بالغلط فى كتاب الام سى كيو
بجد السنادى فى قسم الهستولوجى حصلت مهازل بالجمله

للاسف المفروض الشخص يبقى اهل للمنصب الى هو فيه لكن تقول ايه ...بلد بتاعه شهادات
........وسلملى على الايزوووووو

بجد يا جماعة أشكركم على ترحيبكم ,, وربنا يعوضنا كلنا خير عن اللى حصل فى امتحان الهستولوجى

العفو يا لولو........ وأتمنى انك تسعدي بوجودك معانا