أساطير

موضوع: أساطير الأربعاء يونيو 11, 2008 12:24 pm

أولاً قبل ما أبدأ أحب أعرفكم ان الموضوع ده و السلسلة دي كنت ابتديت أنزلها في منتدى تاني بس لظروف معينة حصلت ماعرفتش أكمل ساعتها فان شاء الله أبدأ أنزلها هنا و أشوف ان كانت هتعجبكم ولا لأ
أسطورة الخلود
في مقدمة السلسلة اللي ان شاء الله هاكتبها تعريف سريع بيها و هي عن الأساطير.......
أولاً الأسطورة هي ظاهرة غريبة ملهاش تفسير كانت بتحصل و اتفسرت بشكل معين بعد كده اتنقلت من جيل لأخر
و كل شعب و ليه أساطيره بحيث ان في الوقت اللي الأساطير في رومانيا بتتكلم عن مصاصين الدماء و المستذئبين اللي بتناسب طبيعة القلاع عندهم فالأساطير المصرية هنلاقيها بتتكلم عن النداهة اللي بتطلع من الترعة
للأسف ان عندنا في مصر واخدين الدين و التقاليد و العادات كسقف لخيالنا عشان كده مش هنلاقي اهتمام جامد بموضوع الاساطير أو انه اتعمل أفلام أو كتب مع انه مادة غنية جداً و ممكن تتطوع للتقاليد و العادات و الدين زي ما د.أحمد خالد توفيق عمل في سلسلة ما وراء الطبيعة
و عشان محدش يقول بعد كده فأنا أصلاً مهتم بالموضوع ده من زمان و بعد كده تابعت السلسلة دي فهتلاقوا كلام كتير مشترك و متاخد منها فمحدش يقولي انك بتسرق الكلام Nope

نبدأ بقى بأول واحدة و هي مش أسطورة قوي انما تقدروا تقولوا معركة علت لدرجة الأساطير اللي خلدها الزمن
و هي حرب طروادة shrief:

كتير أوي كتبوا عنها و بكذا أسلوب و اتعمل عنها أفلام و ألعاب كومبيوتر و حتى كارتونات
لكن لفتت نظري حاجة فيها و هاقولكم عليها بس أديكم خلفية الأول عن المعركة
في البداية كانت بلاد اليونان كلها ماعدا طروادة خضعت لحكم أجمانون اللي أخوه مينلاوس كان ملك على اسبارطة أقوى بلاد اليونان و عدوة طروادة الأولى
و كانت طروادة أقوى البلاد دفاعاً و أسوارها تقدر تصد أي هجوم عليها و عشان كده اسبارطة و طروادة وقعوا معاهدة سلام مع بعض
كل ده كويس لكن المشكلة بدأت لما الأمير باريس الابن الأصغر لملك طروادة حب زوجة أجمانون الجميلة هيلين و هربت معاه
و هنا اتحدت ممالك اليونان كلها تحت قيادة أجمانون اللي كان داخل الحرب أصلاً طمعاً في طرواده و معابدها و أخوه مينلاوس اللي بيقاتل عشان يسترد زوجته في حرب ضد طروادة
و كان في جيش مينلاوس أقوى مقاتل وقتها البطل أخيليس اللي دخل الحرب لسبب واحد بس........ان اسمه يخلد و ميتنسيش أبداً
بدات الحرب و بدون دخول في التفاصيل سريعاً جداً الأمير هيكتور ابن ملك طروادة الكبير قتل مينلاوس و أخيليس قتله و فضل جيش بلاد اليونان عاجز عن دخول طروادة
لحد ما فكرة الحصان الخشبي الضخم اللي يدخل المدينة على انها هدية للملك لكن يكون جزاه جنود مستخبيين ولما الليل ينزل الجنود يطلعوا من مكمنهم و يدبحوا الحراس و يفتحوا الأبواب و الجيوش تدخل و تتحرق طروادة و يتقتل ملكها و يتقتل أجمانون
لكن الحدث الأهم في الأسطورة ان الطرواديون هيعرفوا ان أخيليس اللي محدش قدر يغلبه في قتال نقطة ضعفه أو بمعنى تاني قوته كلها متجمعة فوق كعبه " زي ما شمشون كانت قوته في شعره عادي يعني " 4531

فهيرميه الأمير باريس الابن الأصغر لملك طرواده بسهم فيصيبه في رجله من ورا فوق الكعب مباشرة فيقع على الأرض ميعرفش يتحرك و ساعتها يعرفوا يقتلوه
الموضوع بقى اللي لفت انتباهي ان أخيليس مات و اتحققله الهدف اللي كان عايزه إلى حد ما و هو الخلود لكن اكيد مخطرش في باله لحظة ان خلوده هيكون أكبر في مجال الطب
لان الوتر اللي السهم بتاع باريس أصابه فيه هو أكبر وتر في الجسم و اتسمى باسمه Tendon of achilis
و كمان بقى يضرب بيه المثل في نقطة ضعف الشيء ان أضعف نقطة فيه هي وتر أخيليس
أساطير Achilles

( لوحة لأخيليس و هو بيقتل هيكتور أمير طروادة )
أساطير Achilles

( لوحة لأخيليس في المعركة )

أساطير Achilles3

( أخيليس و هو بيتقتل )
خلصت أسطورة المرة ده و يا رب تكون عجبتكم و موعدنا المرة الجاية مع أسطورة جديدة هتكون عن.......
ولا بلاش خلوها مفاجأة

مستني أرائكم عشان أعرف أكمل ولا أركن على جنب و أقعد ساكت أكرملي

زائر

انت ايه جكايتك مع طرواده؟؟؟؟ :d
بجد جميله بس مستنيين حاجات أطول ان شاء الله
وفل عليك

موضوع: رد: أساطير الأربعاء يونيو 11, 2008 12:42 pm

Dr Unknown كتب:: وفل عليك

ضاعت معالم اللغة

يلا ان شاء الله استنى البقية

زائر

ضاعت???
دا اللغه أصلاً قائمه علي مثل هذا من الأقوال
والأفعال Wink

موضوع: رد: أساطير الأربعاء يونيو 11, 2008 12:50 pm

فينك يا أستاذ طارق الراشد تشوف تلاميذك بيعملوا ايه في العربي
Nope

زائر

يااااااااااااه
خلي الطابق مسطور بقي انت عارف انا كنت شاطر ازاي في الفصل sleeping

موضوع: رد: أساطير الأربعاء يونيو 11, 2008 1:06 pm

حاضر هاستر عليك
و مش هأقول على حصة الاقتصاد بالذات
طبعاً فاهمني يا فرج Razz

موضوع: رد: أساطير الأربعاء يونيو 11, 2008 1:23 pm

بجد جميله اوي الأساطير دي

على فكره انا مهتم باالأساطير اوي

وانا بشجعك بحراره وادعوك الى اكمال السلسله الرائعه دي

وشكرا

موضوع: رد: أساطير الأربعاء يونيو 11, 2008 3:13 pm

شكراً يا نايت و أوعدك بأسطورة تانية

موضوع: رد: أساطير الأربعاء يونيو 11, 2008 8:30 pm

جميل اوووووووى ومستنين المزيد بس بعد الامتحانات

موضوع: رد: أساطير الأربعاء يونيو 11, 2008 8:36 pm

ان شاء الله بعد ريتن الفيسيولوجي و قبل الأورال

موضوع: رد: أساطير الخميس يونيو 12, 2008 12:45 pm

جميله اوي الفكره دي
وشكرا يا سيربنت
و منتظرين المذيد

موضوع: رد: أساطير الخميس يونيو 12, 2008 1:48 pm

شكراً يا ياسمين و الحمد لله انها عجبتك

موضوع: رد: أساطير السبت يونيو 21, 2008 6:51 am

و نرجع معاكم يا شباب بعد الريتن زي ما وعدتكم بأسطورة جديدة و المرة دي هي أسطورة بجد اتعمل عنها أفلام و قصص و ألعاب , أكتر أسطورة متعارضة مع الدين و من خلالها هاثبتلكم ان تطويع الأساطير ممكن جداً بس يا ريت تكملوا قراية للأخر, المرة دي هأحكيلكم أسطورة الزومبي أو الميت الحي باللغة العربية.اتأكدوا بس انكم طافيين الأنوار حواليكم و مفيش حد جنبكم و الدنيا هادية و تعالوا اقروا بجد أوعدكم بموضوع لذيذ ان شاء الله.
أسطورة من معتقدات سحرة الفودو منشأها مش مُأكد بس هتلاقيها في شعوب أفريقيا و البحر الكاريبي و غيرهم .....
الأسطورة ببساطة انه شخص مات لكن في نفس الوقت مماتش بمعنى انه مات كروح لكن جسدياً مش ميت و عشان كده بعد الدفن بيطلع من قبره و يجوب في نفس الأماكن اللي كان بيجوب فيها و هو حي و عشان معندوش روح فبيكون مش واعي باللي حواليه و عديم الاحساس و ممكن يقتل اللي يعترض طريقه أو يحاول يكلمه بل ان البعض بالغوا في القصة و قالوا انه بيتغذى على لحم البشر و طبعاً عشان هو ميت فجسمه بيبدأ يتحلل مع مرور الوقت و يُقال انه لو داق الملح هيغضب و يبقى من أبشع الكوابيس.
السبب في كل ده تبع ما قريت و لقيت عالنت انه الانسان قبل ما يموت بيتعرض لسحر كاهن من كهنة الفودو بطقوس معينة و بيقتله و بعديها يعيد للجسد الحياة أما السبب التاني فانه فارس الزومبي بيسحب روح الانسان اللي بيموت و بيحطها في امممممممم ممكن نقول قارورة و بعد ما يموت الانسان الفارس يركب حصانه بالعكس " يعني وشه ناحية ذيل الحصان " و يفتح القارورة دي فالجسد يتبع الروح عشان يسترجعها و في كلا الحالتين الزومبي بيكون عبد مطيع لسيده اللي أعاده للحياة اللي هو الساحر في الحالة الأولى و الفارس في الحالة التانية.
طبعاً دارسين كتير تناولوا الظاهرة بالدراسة و رووا عن الأهالي قصص زي قصة فليسيا مينتور اللي ماتت و هي عندها 29 سنة سنة 1907 و بعد 30 سنة أهالي القرية شافوها بتمشي في القرية. و في عام 1980 , ظهر شخص في قرية ريفية في هاييتي و ادعى ان اسمه هو كورليس نارسيز , و هو شخص كان مات في احد المستشفيات الهاييتية عام 1962 و تم دفنه , ادعى كورليس انه كان في وعيه و لكن مصاب بالشلل خلال موته السابق حتى انه شاف وش الدكتور اللي غطى وجهه بالغطاء القماشي ليعلن موته. ادعى كورليس بأن سيده اعاده الى الحياة و خلاه زومبي قد الدنيا , و بما ان المستشفى اللي مات فيه كورليس كان بيحتفظ بمستندات و سجلات تؤكد مرض كورليس و وفاته عام 1962 فقد نظر له العلماء على انه تأكيد او اثبات لقصص الزومبي الهاييتية , و لقد اجاب كورليس عن اسئلة عن عائلته و طفولته بحيث لا يمكن لأي شخص سواه معرفتها , حتى عائلته و الكثير من الناس تعرفوا عليه و تأكد لديهم بأنه زومبي اعيدت له الحياة.
كل ده جميل لكن لا تزال القصة متعارضة مع الدين و ده يثبت عدم صحتها و هدم أساسها ده طبعاً غير انها علمياً مستحيلة.
في المقام ده بس بيحضضرني مقولة عن د.احمد خالد توفيق على لسان بطل رواياته رفعت إسماعيل بيقول انه لما يواجه حاجة متعارضة مع الدين فده معناه انها أكيد مش صحيحة أما لو حاجة متعارضة مع العلم فالعلم متغير و ثوابت النهاردة هي نظريات خاطئة بكرة و فروضيات النهاردة هي ثوابت بكرة فممكن يقتنع بيها.....
المهم التفسير بقى للأسطورة طبعاً ان كل اللي بيتحول للزومبي مش ميتين انما سحرة الفودو متمكنين من الطب و ليهم أسرارهم اللي محافظين على سريتها و العلماء افترضوا انه عن طريق إحداث جرح في مجرى دم الشخص المُراد تحويله لزومبي و حقنه بمادة التيدرودوتاكسين (Tetrodotoxin) و هو سم مميت كمية صغنتوتة جدا منه هتسبب الشلل الشبيه بالموت للضحية لعدة ايام و في نفس الوقت مش هتفقد الضحية وعيها . و مادة (Hallucinogens) و هو مخدر قوي بيؤثر على النظام العصبي للضحية كالأنفعالات و المشاعر و هو اللي بيُستَعمل في عملية تكوين او صياغة شخصية الزومبي بحيث انه يبان بدون اي ارادة و يطيع سيده طاعة عمياء.
التفسير التاني و التالت و دول لد.أحمد و في واحد منهم افترض ان الزومبي هو مريض بالجُذام و نتيجة لتساقط أطرافه فالناس بتتكر انه بيتحلل مع شوية أعراض نفسية بسبب مرضه و غضبه من نبذ الناس له و حالته المرضية يدينا صورة مجسمة للزومبي.
التفسير التالت و الأخير و ده استنبطه من قصة من قصصه ان الساحر بيقتل شخص قدام الناس و بيكون مجهز واحد شبهه أوي و بعد ما يقتل الأول بشوية يظهر التاني و هو مبهدل على انه زومبي الأول.
أه نسيت أقول ان السينما الأمريكية أضافت للزومبي خاصية ان عضته معدية بس صراحة ملقتش حاجة تأكد الموضوع ده في الأسطورة الحقيقية أو ينفيها فلو حد منكم عضه زومبي ميقلقش مش لازم هيتعدي و عامة يروح يكشف و يطمن و يطمننا.
كده خلصت أسطورة المرة دي نقطة بس أخيرة حبيت أقولها يعني ليها علاقة بمضمون الأسطورة نفسها ان في ناس مننا دلوقتي عايشين بس ميتين لانهم بدون دين ولا أخلاق ولا مشاعر زيهم زي الزومبي و ناس ماتوا بس عايشين للأبد معانا فياريت نكون من الصنف التاني نحاول نكون بشر صالحين نحاول نعمل حاجات كويسة عشان بعد موتنا الناس تفضل على طول فاكرانا و بالخير مش بالشر و عشان نموت و ربنا راضي عننا ان شاء الله. يلا أقولكم سلام و أشوفكم الأسطورة الجاية ان شاء الله
صورة بس حبيت أحطها عشان تعرفوا مستقبلنا كأطباء

موضوع: رد: أساطير السبت يونيو 21, 2008 6:54 am

يا شباب فيه استفتاء أضفته فوق خالص يا ريت تشاركوا فيه

موضوع: رد: أساطير السبت يونيو 21, 2008 11:57 am

شكرا شكرا شكرا كمان مره شكرا

بجد لك جزيل الشكر والتقدير ياحبيب قلبي ...............بحييك بحراره .....ومنتظر الأسطوره القادمه بفارغ الصبر.............بس خلي بالك مبحبش استنى كتيييييييييييييييييييييير jasmine

موضوع: رد: أساطير السبت يونيو 21, 2008 12:01 pm

شكراً يا دراجون و الحمد لله انها عجبتك
ان شاء الله أول ما المنتدى يرجع من شرم هأنزل أسطورة جديدة

موضوع: رد: أساطير السبت يونيو 21, 2008 12:48 pm

السلام عليكم ...

ازيك يا سيربنت ... ؟؟

بجد الموضوع رائع جدا جدا جدا

وطريقة عرضك للموضوع رهيبة وجميلة جدا وفيها حس فكاهي جميل ...

وكمان اضافتك مغزى لنهاية القصة زي بتاعت الزومبي وتقسيمك للناس لنوعين شيئ جميل ... Smile

بس

في عندي اقتراح صغير

انته بتكتب الموضوع وتتعب فيه وفي ناس بتيجي بترد وتقولك شكرا وخلاص

وخلاص خلص الموضوع على كده ... ؟!!

لا طبعا اعتقد انه لازم يكون في مناقشه وكل واحد يقوله رايه بالتفصيل

وممكن حتى مش تكتب الاسطورة كامله

ممكن تكتب اسمها وكل واحد يقول رايه فيها او اللي يعرفه فيها او اللي شايف ايه اللي ممكن يتعمل او .......

يعني يتحول الموضوع لمناقشه

ليس فقط انته تكتبته بطريقة اكثر من بارعه ثم ياتي الشكر بدون مناقشه ؟؟

ولا انته شايف ايه يا سيربنت ... ؟؟

فهمت قصدي يا سيربنت ... Smile

مع تحياتي ... ,,,

والسلام خير ختام ... Smile

موضوع: رد: أساطير السبت يونيو 21, 2008 1:27 pm

و الله فكرتك حلوة أوي يا حوكا باشا
بس المشكلة ان ثقافة الأسطورة عندنا مضمحلة أوي و الناس مش بتتعمق فيها
حتى أنا مكنتش أعرف عنها حاجة إلا لما بدأت أدور و أقرا أكتر عنها عشان جوها جذبني و كمان كانوا أصحابي من شاكلتي

عامة أنا موافق عى موضوع المناقشة و هي مفتوحة طبعاً للي يحب

موضوع: رد: أساطير الخميس يونيو 26, 2008 7:54 pm

حبيت بس أدي مثال عل النوع التاني من البشر اللي هو الناس اللي ماتت لكن لسه عايشين بأعمالهم
د.علي خليفة
أكيد كلنا عارفينه بقصته ان زوجته ماتت بالسرطان و ساعتها صمم ان كليتنا لازم يكون فيها وحدة تشخيص للأورام و اكتشافه المبكر و بنى الوحدة اللي عندنا لكن يشاء ربنا انه يكون هو كمان مريض بالسرطان و يموت بيه
مش ده بس اللي مخاليه عايش على طول لان كتيراسمائهم لسه موجودة
لكن في مرة كان واحد عجوز في كليتنا و بأساعده في حاجة و جيه اسم الدكتور في وسط الكلام
قالي انت صغير و أكيد ملحقتهوش لكن بجد خسرت كتير انك معرفتهوش كان انسان بجد
و بدأ يوصفلي فيه و في شخصيته و أهو مجرد مريض
و كذا واحد من اللي عاصروه كل ما اكلمهم عنه يشكروا فيه
هو ده اللي قصدي عليه ان الناس تفضل تفتكرك و ناس معاشتش معاك تبقى عارفاك ولا كانها عاشت معاك

موضوع: رد: أساطير الأحد يونيو 29, 2008 1:07 am

حلوا اوي الاسطوره الاخير
شكرا يا سيربنت و منتظرين المذيد

موضوع: رد: أساطير الأحد يوليو 06, 2008 5:31 pm

على فكره انا مستني بقالي كتييييييييييييييييييييير .....فين الأساطير الحلوه بتاعتك ياسيربنت
انا في انتظار اسطوره جديده ومتتأخرش وإلا........................ولا بلاش استنى شويه كمان pirat