الزمالك يعلن تعاقده مع المدافع الدولى ( هانى سعيد )!!!!!!!!!

أعلن مجلس إدارة نادى الزمالك مساء السبت تعاقده الرسمى مع اللاعب هانى سعيد مدافع المنتخب الوطنى والنادى الاسماعيلى لمدة أربعة مواسم تبدأ من الموسم المقبل.

الخبر ده اكيد الناس كلها اللى متابعة كورة عرفته النهارده
و طبعا الزمالكوية ( فرحوا بيه )
و الاسماعيلاوية ( لا تعليق احسن )
و الاهلاوية ( حاسين بالتعنت من الاسماعيلى )

اول حاجة طبعا بلنسبة ل ( هانى سعيد )
من مواليد سنة 1980 وبدأ مشواره فى كرة القدم مع فريق الناشئين بالنادى الأهلى وفى عام 1997 شارك مع المنتخب المصرى للناشئين فى كأس العالم التى نظمتها مصر وحصل مع المنتخب على المركز السادس.

وبعد إنتهاء كأس العالم خاض هانى سعيد تجربة الاحتراف وانتقل الى نادى بارى الأيطالى وشارك معه فى بطولة الدورى الأيطالى واستمر معه حتى عام 2003.

وفى عام 2003 أنتقل هانى سعيد الى نادى ميسيينا الأيطالى وأستمر معه حتى عام 2005 ثم أنتقل الى نادى فيورينتينا الأيطالى ومنه الى نادى مونز البلجيكى وعاد هانى سعيد بعدها الى الدورى المصرى حيث لعب موسما فى النادى المصرى ثم انتقل بعدها الى النادى الاسماعيلى واستمر معه لمدة موسمين واخيرا انتقل الى صفوف فريق الزمالك.


اما بالنسبة ل تفاصيل الصفقة
ف الصفقة حائرة بين القطبين الكبيرين ( الأهلى ) و ( الزمالك ) من فترة مش قليلة خالص
و طبعا فىحاجات ناس كتير ماتعرفهاش
زى مثلا ان محمد عبد المنصف ( حارس مرمى الزمالك الدولى ) و شيكابالا ( صانع العاب نادى الزمالك الموقوف ) قد اجتعا ب هانى سعيد ( داخل معسكر المنتخب القومى بالاسكندرية ) و قاما بالتفاوضمع اللاعب ب اذن مباشر من السيد ( ممدوح عباس ) رئيس مجلس نادى الزمالك
و طبعا الكلام ده و الاجتماعات و الصفقات اللى بتحصل فى المنتخب دى تحت رعاية و اشراف و ادارة الكابتن الكبير ( حسن شحاتة ) اللى بيهدد اللعيبة اللى ترفض الانضمام للزمالك بالاستبعاد و غيره و غيره من المصايب اللى بيعملها و اللى هتكلم عنها ب اذن الله فى موضوع لاحق

اما بالنسبة للمقابل المادى ف الزمالك فاز بالصفقة ب مقابل مادى يبلغ 7.5 مليون جنيه مصرى
و التعاقد ل مدة اربع سنوات
يحصل اللاعب فى كل سنة على مقابل مادى يبلغ ( 1.5 مليون جنيه مصرى ) ده طبعا غير ترضيات عمو ممدوح

و صرح السيد /ممدوح عباس النهارده
بعد اتمام الصفقة ب ان الصفقة تعد من اقوى الصفقات التى ابرمها الزمالك هذا الموسم
و لا تقل اهمية عن صفقتى ( جونيور اجوجو ) و ( ايمن عبد العزيز )

اما بقى بالنسبة لبعض الملاحظات البسيطة
ان مجلس ادارة النادى الاهلى الغ النادى الاسماعيلى رسميا ب فاكس رسمى ب تحديد اى مقابل مادى يرضيهم ل فتح بابا التفاوض حول امدافع الدولى
( لكن طبعا الاسماعيلاوية ميرضوش يسيبوا الفرع التانى من الاسماعيلى ( اللى هوالزمالك ) يفضل يتبهدل و يخسر صفقات كده ادام الاهلى )

و طبعا ده ببرهن جدا اد ايه ان النادى الاسماعيلى و جماهيره فعلا لا يهمها اللاعب الفلانى او غيره يروح فين و ييجى منين
اهم حاجة انه مايروحش للنادى الاهلى (علشان فى الحالة دى بس بيكون حرام و انهم محتاجينه و الاهلى بيفرغ الاندية و الكلام الساذج ده)
لكن علشان راح الزمالك ف مشكلة و مبروك عليك يا زمالك

اما بالنسبة للاهلى
ف انا بعد ل ده مش هعمل زى مابيعملوا الزمالكوية او اى حد عامة بيشجع نادى و لاعب كانوا بيتفقوا معاه انتقل ل نادى اخر
ف يقعدوا يقللوا من قيمته و يقولوا ده مين اصلا و مش عارف ايه والكلام ده
لكن انا فعلا مقتنع ان (هانى سعيد فعلا ) مكسب كبير ل نادى الزمالك
و النادى الاهلى خسر لاعب كبير ب امكانيات هانى سعيد
لكنه لن يستمر فى نادى الزمالك
لان اللاعب ده من زمان مشكلته ( بالنسبة لنا طبعا فى مصر ) انه اهم حاجة عنده هى انه يحترف علشان شايف ان امكانياته اكبر بكتير من انه يلعب فى دورى ضغيف زى الدورى المصرى

ملاحظة اخيرة : الموقف المتعنت من النادى الاسماعيلى تجاه الاهلى فى الصفقات هيخلى ااهلى يعند جدا فعلا و ده اللى حصل النهارده
و نتيجة ده ان حصلت حاجة حالا و انا بكتب المقال ده ان ( اخيرا : تم اضافة حسنى عبد ربه فى قائمة النادى الاهلى )
تم تحذير اتحاد الكرة من التصرف فىبطاقة اللاعب الدولية ( خاصة بعدما اتفق النادى الاسماعيلى مع نادى اهلى دبى ( الاماراتى ) على
بيع اللعب مقابل 2 مليون يورو ) و بكده فعلا نجحت ادارة الاهلى فى وقف اللاعب و جعله محلك سر و لن يلعب للنادى الاسماعيلى طبقا ل
قرار المحكمة الرياضية و يعتبر الاتفاق الذى تم بين ناديى ستراسبورج الفرتسى و الاسماعيلى المصرى لاغى حيث ان القرار ينص على
بطلان العقد بين الاسماعيلى و عبد ربه و ان اللعب من حق استراسبورج و الذى تعجل ب ارسال تهنئة لاهلى و طلب باقى المقابل المادى
البالغ 700 الف يورو كما نص ايضا قرار المحكمة الرياضية على صحة عقد اللعب و الاهلى و ضرورة تفعيل التعاقد ..........
وبكده اقول للاسماعيلى ( هارد لك )

جمييييل أوي

بجد معلومات جامدة

وانا من الناس اللي بتقول ان دا تعنت من الاسماعيلي

اقتباس :

و طبعا ده ببرهن جدا اد ايه ان النادى الاسماعيلى و جماهيره فعلا لا يهمها اللاعب الفلانى او غيره يروح فين و ييجى منين
اهم حاجة انه مايروحش للنادى الاهلى (علشان فى الحالة دى بس بيكون حرام و انهم محتاجينه و الاهلى بيفرغ الاندية و الكلام الساذج ده)
لكن علشان راح الزمالك ف مشكلة و مبروك عليك يا زمالك

هما فعلا أهم حاجة عندهم ما يكونش اللاعب في الأهلي

الحمد لله يا adaway ان الموضوع عجبك
و فعلا انا نفسى افهم ايه الكره ده ؟
ده لو هيروح اسرائيل مش هيعملوا كده