حسن شحاتة

السلام عليكم

الموضوع ده ب اذن الله هكون تانى مشاركة ليا ( و بالصدفة و الله ان الاتنين فى الكورة )

الموضوع ده هتكلم فيه عن حسن شحاتة

حسن شحاتة بدأ مشواره و علاقته فى الكورة ك لاعب فى نادى الزمالك و لكن لمشاكل تعرض ليها و غيره من اللى انا بعتبره ظلم ليه فى الوقت ده اعتزل لعب الكورة

و شحاتة درب اندية كتير جدا و معظمها اندية درجة تانية و صعد بيهم كلهم ل الدورى الممتاز لكن عمره ماحافظ على نجاحه فى الدورى الممتاز

و من اشهر الامثلة على كلامى ( نادى المقاولون العرب ) اللى دربه شحاته و صعد بيه وعمل معاه انجازات و كده بس برضه ماكملش معاه

و جت الفرصة ل شحاتة لتدريب المنتخب القومى فى عصر اتحاد الكرة المؤقت الذى كان يرأسه الكابتن ( عصام عبد المنعم )

ثم بعد فترة لا تتعدى بضعة شهور تم انتخاب اتحاد الكرة الحالى برئاسة الكابتن سمير زاهر

و م تجديد الثقة ف الكابتن حسن شحاته

و طبعا كلنا عارفين ايه هى انجازات شحاتة مع المنتخب

حسن شحاته نجح فى تحقيق كأس الامم الافريقية ل مرتين متتاليتين عامى 2006 و 2008

و المرة الاولى طبعا و بصراحة و بدون مبالغة اناسبب الوحيد اللى خلانا ناخد البطولة هو الجمهور بس و مش اى حاجة و لا لعيبة و لا مدرب و لا غيره

اما بقى بالنسبة للمرة التانية ف بجد محدش كان متوقع و انا اولهم ان شحاتة يعمل الانجاز ده

و شخصيا انا كنت متوقع خروج المنتخب من الدور الاول لكن حصل فعلا اللى لازم يتوصف ب انجاز و معجزة و حقق المنتخب اللقب السادس ليه و التانى على التوالى

طبعا هى دى انجازات شحاتة و اللى ممكن تسمح كتير من عيوبه

لكن المشكلة ان عيوبه كترت فعلا

- حسن شحاتة من بداية تدريبه للمنتخب حتى الان طبعا باستثناء بطولة غانا لم يفز سوى فى ماتش واحد خارج الحدود و كان امام منتخب جيبوتى الضعيف جدااااااااااااااا ( و ده بالرغم من ان كل المنتخبات كانت فى نفس مستوى جيبوتى يعنى ماكنتش منتخبات جامدة )

- حسن شحاتة بعد الفوز بالبطولة الاخيرة فعلا تملك منه الغرور و بقى فعلا مش بيهمه اى حد و فاكر نفسه فوق الكل

- حسن شحاته بيجامل نادى الزمالك ب اسلوب واضح جدا

و مثال على كده لما كان عمرو زكى مش راضى يلعب مع الزمالك فترة و كده شحاتة منعه من الانضمام للمنتخب

- شحاتة متحامل جدا على النادى الاهلى ب اسلوب غريب

و مثال على كده انه ضم الحضرى للمنتخب و اصر على معاداة الاهلى و قياداته و جماهيره فى تعنت واضح بعد هروبه و اخلاله بتعاقده مع النادى الاهلى

و طبعا فى وسائل اعلام كتير اكدت انه عمل كده بمساعدة من شحاتة و شوبير

- شحاته احيانا بيصر على لاعبين معينين و عدم الاهتمام ب مصلحة انديتهم

و مثال على ذلك اصراره على ضم ابو تريكة بالرغم من عدم اكتمال شفائه و مما ادى الى تجدد اصابته و معاناته منها حتى الان

- شحاتة بيسمح ب اشياء غريبة جدا انها تحصل فى المعسكرات اللى المفروض انها زى الجيش و المفروض ان فيها التزام

مثال على كده موافقته على دخول اعضاء مجلس ادارة النادى الاسماعيلى لالمعسكر و اجبار عبد ربه على توقيع ورقة طلب فسخ تعاقده مع استراسبورج

و ده طبعا ممنوع

-شحاته اصبح سمسار لنادى الزمالك

شحاتة بقى بيخللى اللعيبة تنضم للزمالك و اللى مايرضاش و اللى يقول لا زى سيد معوض يبقى مايروحش المنتخب تانى

و كمان بيسمح ب دخول اعضاء مجلس ادارة نادى الزمالك للحصول على توقيعات اللاعبين زى ( امير عزمى مجاهد )

- شحاته بيتدخل ل حل اى مشكلة للزمالك بعكس اى نادى تانى

زى مشكلة عمرو زكى و اتفق مع عمرو و ممدوح عباس على جلسة تسوية وبعدين كلنا عرفنا اللى حصل ل عمرو لما حصل و اتشتم و اتضرب و اتبهدل

و بعدين يا شحاتة ؟؟؟؟؟؟؟؟؟؟؟؟؟؟؟؟؟؟؟

ايه اخرك ؟

المفروض انك بتمثل المنتخب مش الزمالك و الا سيب مكانك ل حد عاوز يمثل المنتخب و روح درب الزمالك

لازم تركز اكتر مع كده و تستغل علاقتك الكويسة ب معظم اللاعبين و اللى اشهدلك بتميزك فيها و ساعتها بس ممكن تكسب اى منتخب و تحقق انجازات ل نفسك و لمنتخب بلدك