هتتصرف ازاااااااااااااااااااااي؟؟؟؟؟؟؟؟

بسم الله الرحمن الرحيم

نواجه في حياتنا مواقف كثيره جدا ومواقف غريبه ........نكتسب منها خبرات تكون لنا فيما بعد كمخزن يمثل تجارب الحياه ..........كل شخص منا له من الخبرات والتجارب ما تختلف كثيرا عن الأخرين .........في هذا الموضوع اردت دمج بعض الأفكاروالخبرات .......ازاااااااااااااااااي؟؟؟؟؟؟؟؟

اقترح ان يتم طرح موقف من المواقف التي تعرض لها اي عضو منا ((طبعا المواقف دي من ارض الواقع))..... وذلك كل فتره معينه ((يحددها الأعضاء برغبتهم يعني مثلا كل اسبوع موقف او كل اسبوع موقفين))..... وكل عضو يشارك في الموضوع يكتب لنا كان هيعمل ايه لو تعرض للموقف ده....... وطبعا العضو اللي كتب الموقف يقولنا في الأخر هو عمل ايه في الموقف ده((على فكره مش شرط خالص انه يكون عمل حاجه ممكن يكون بس مجرد شاهد من قلب الحدث )) ............

.يعني الموضوع بخلاصه هتعمل ايه لو اتحطيت في موقف معين؟؟؟؟؟؟

لو تمت الموافقه على الفكره دي فانا بقترح ان الأعضاء يبعتولي المواقف دي في رساله خاصه وانا احطهم كل ما المده اللي هيتفق عليها تنتهي وطبعا هيكون معرووف جدا جدا الشخص اللي تعرض للموقف ده علشان في الأخر يكتب لنا هو اتصرف ازاي؟؟؟؟ وطبعا هاحط المواقف باسبقية الإرسال...........

في فكره تانيه

ان الموضوع يكون مفتوح عادي واي عضو عاوز يحط موقف يحطه في اي وقت هو عاوزه ...بس كده احتمال يحرم اعضاء من المشاركه في مواقف اتحطت قبل كده ........

طبعا ....انا حاليا مستني منكم رايكم في الفكره وبرضو اقتراحاتكم بالنسبه للوقت اللي نحدده لكل موقف ....ولو في اي استفسارات او اي حاجه مش واضحه في الكلام ده وبرضو لو اي عضو عنده اي اقتراحات تانيه علشان الموضوع يبقى متظبط شويه انا معنديش مانع ......فالموضوع مطروح للتعديل في كل جانب من جوانبه. ...........................وشكرا

طبعا مستني الموافقه على الفكره من اغلب الأعضاء الموجودين في المنتدى قبل بدأ التنفيذ
وزي ماقلت قبل كده انا في انتظار استفساراتكم واقتراحاتكم

فكره حلوه اوي انا موافقه
اما بنسبه لعرض المواقف انا رأي انها
تتبعتلك في رساله عشان يبقي في نظام
في عرض المواقف في الوقت بتعها
كمان عشان كله يقدر يشارك
مستنيه اول موقف

بصراحة الفكرة فعلا رائعة يا نايت
وكمان اكيد هتزود تواصل الاعضاء مع بعض
وفعلا ياسمينا عندها حق المواقف لما تكون فى رساله ليك ده هيضمن النظام والاستمرارية
منتظرين اول موقف يا نايت وبالتوفيق ان شاء الله

انا بشكرك جدا ياياسمين ويالولو على ردودكم وتشجيعكم للفكره
بس ليه محددتوش مده معينه لطرح الموقف....................يعني مثلا نخلي كل اسبوع موقف ولا كل اسبوع موقفين؟؟؟؟؟؟؟
ياريت بجد تحددوا المده اللي انتو شايفينها مناسبه........ولكم جزيل الشكر ومستني موافقة باقي الأعضاء على الفكره........وبكرر شكري لياسمين ولولو

فكره جميله يانايت

انا شايف ان موقفين فى الاسبوع افضل

اولا انا بشكرك جدا ياتايجرعلى تشجيغك للفكره
ثانيا......كنت لسه بفكر من شويه في اني احط موقفين كل اسبوع بس انا لاقي المنتدى يسكنه الصمت ويخيم عليه الهدوء وكل فين وفين لما تلاقي عضو يدخل ويرد على موضوع...فأنا شايف ان موقف واحد اسبوعيا كويس علشان نقدر نجمع اكبر قدر من الردود على الموقف.................وبرضو ياجماعه ده مجرد راي لو واحد شايف غير كده يقول
وبعدين فين اراء باقي الأعضاء؟؟؟؟؟؟؟؟؟؟؟؟؟؟ Sad

بالعكس يانايت انا شايف ان موقف واحد بس هيموت الموضوع لان اسبوع فتره طويله جدا خصوصا على
اعتبار ان عدد الاعضاء الى بشاركو قليل جدا

برضو مجرد وجهه نظر

فعلا يا نايت انا شايفة برضه ان اكتر من موقف فى الاسبوع يكون افضل
على الاقل عشان يزود تفاعل الاعضاء اكتر مع المواقف
عموما ربنا يكرمك يا نايت وتعمل اللى فيه الخير للجميع

ممكن المده تبقي حسب المواقف
الي هيتم ارسالها ليك لو كتير يبقي اعرض
موقفين في الاسبوع لو عددها قليل
يبقي موقف واحد في الاسبوع
بحيث تضمن استمرار الموضوع
وربنا يوفقك

لكم ماشئتم ............وانا سعيد جدا بالأعضاء اللي وافقو على الفكره وان شاء الله هحط اول موقف تعرضت له في رمضان من كام يوم بس وقولولي هتتصرفوا ازاااااااااااااااااااي ؟؟؟؟؟؟؟؟؟؟؟؟؟

في احدى الأيام شديدة الحراره شديدة الرطوبه وقبل موعد الأفطار بساعة تقريبا ركبت المايكروباص متوجها الى بلدة صغيره تقع على طريق مصرالأسكندريه الزراعي ...الشاهد من الامر ان ذاك الطريق في مثل ذلك الوقت يكون شبه متوقف من الزحام وفي ذلك الوقت من الصعب جدا ان تجد مواصلات بسهوله .........المهم ركبت المايكروباص طبعا بصعوبة بالغه وامتلات السياره بالركاب وبدانا السير ......كان احد الركاب يحمل معه كرتونه ثقيله فوضعها امام احد الركاب في مقدمة المايكروباص ثم توجه هو الى اخر المايكروباص وجلس..... اثناء الطريق توقف السائق ليضيف الى المايكروباص راكبا اضافيا يعني ملوش مكان اضطر ذلك الراكب الجديد الى رفع الكرتونها والجلوس مكانها وحملها على رجله ...ولكن بمجرد ان رفع هذا الراكب الكرتونه من مكانها اطلق صاحب الكرتونه صيحات مرتفعه للغايه رافضا تحريك الكرتونه من مكانها واثناء ذلك بدا بقذف السائق بوابل من الشتائم .......اندهش كثيرا السائق لما فعل ذلك الرجل وبدا السائق يناقشه بهدوء قائلا: الجو حر والراجل ده اخوك في الإسلام وعاوز يوصل بيته قبل الفطار وبعدين فيها ايه مش لازم نتحمل بعضنا شويه الموضوع بسيط وبعدين يا اخي هو هيشيلك الكرتونه يعني هو هيرميها !!!!!!! ....طبعا لم يهدى ابدا ذلك الرجل واستمر بنبرة صوته المرتفع ولسانه السليط ((خلو بالكو الراجل ده قاعد في اخر المايكروباص وعمال يزعق ويشتم)) تدخل احد الركاب بجواره لتهدئة ذاك الرجل فطبعا قابله ذالك المنفعل بأسلوبه المتعجرف فازداد الأمر سوء حتى انسحب الرجل الذي اراد تهدئة ذاك المتعجرف وحفظ ماء وجهه....طبعا لم يهدى ذلك المتعجرف هو يطالب بانزال الراكب الإضافي ووضع الكرتونه مكانها وان اراد السائق اجره اضافيه اعطاه اياها ...المهم الكرتونه تتحط مكانها.............

هتتصرف ازاااااااااااااااااااااااااااااااااااااااااااااااااااااااي؟؟؟؟؟؟؟؟

هههههههههههههه
مش عارف ليه كانت حاسس انك هتتكلم عن موضوع المواصلات
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم

اعتقد ان المفروض يتعمل الراجل عمله هو حاول يفهمه ان ده غلظ فاكان رد فعل الراجل عدوانى ضده

اعتقد ان فى الحاله ده مش هقدر اعمل حاجه غير التالته(فان لم يستطع فبقلبه

شكرا نايت على طرحك لموضوع
.
.
.خالص تحياتى .

ان من رأي ان الي مفروض يتعمل ان اكترمن واحد يتدخل
مش واحد بس ويفهموا ان لو هو الي كان مكانه يرضي ان ده يحصله
كمان المفروض ان المسلم يحب لاخيه ما يحبه لنفسه مش يرضاله التعب ده
و ربنا يهدي الجميع

انا بجد بأعتذر جدا يا نايت عالتأخر في الرد
وبجد فكرة جمييييلة جدااااااا Clapping

وبالنسبة لموضوع الصندوق اللي عامل أزمة...فأنا بجد مستغربة جدا لموقف الراجل صاحب الصندوق
انا شايفة اني لو كنت موجودة كنت هأقول نفس كلام السواق ...بس واضح كده ان الراجل مش متقبل فكرة النقاش والتفاهم
وأنا متفقة مع ياسمين في انه محتاج أكتر من واحد يتدخل في الموضوع
وبأعتذر مرة تانية عالتأخير

اولا شكرا جدا يا نايت على طرح الموضوع
ثانيا انا بعتذر للتاخير عن الرد
وبصراحة انا شايفة ان تصرف الراجل صاحب الصندوق ده ما هو الا صورة مصغرة
لحالة القصور الاخلاقى اللى بيعيشه العالم دلوقتى يعنى الراجل
رافض ان الشخص اللى هوه المفروض اخوه فى الاسلام والانسانية يركب ويوصل لبيته
حقيقى موقف يستوجب الذهول
وانا اعتقد انى لو فى الموقف ده مش هاعمل غير زى ما الحديث الشريف اللى قاله تايجر"فإن لم يستطع فبقلبه " وربنا
يهديه يارب ويهدى الجميع

انا بجد شاكر ليكم جميعا على ردودكم الجميله وتفاعلكم مع الموضوع بالشكل ده
وفعلا زي ما تايجر فكرنا بحديث الرسول وبرضو قال ان الراجل ده حاولو يستخدمو معاه الزوق ومنفعش فمفيش غير اني اسكت
وفعلا ده اللي حصل احنا كلنا سكتنا وسيبنا الراجل ده يتخانق مع نفسه لغاية ماتعب لوحده وسكت
بس الصراحه انا فكرت كتير في حل وانا قاعد في الميكروباص ...فكرت في ان نعامل الراجل ده زي مابيعامل السواق ونحاول نسكته بالعنف انا عارف ان ده ممكن يكون غلط بس الحقيقه الراجل ده كان مستفز جدا جدا وكبر الموضوع وبدا بالغلط ورغم كده استمر فيه
وبرضو الحل اللي قالته ياسمين حل جميل جدا جدا ان مجموعه من الرجاله يسكتوه بالعقل

وسعيد جدا جدا جدا بمشاركتك يانونا معانا في الموضوع ........................وشكرا لكم جميعا وننتظر من السكارييت مواقف اتعرضولها برضو

حدث قريبا ان كنت واقفا في شارع امام بيت صديق لي وكان الجو هادئا وفجأة ظهر ثلاثة من الشباب ويتسارعون فيما بينهم ويحملون في ايديهم ثلاثة عصي من الخشب ((شومه)) كانو يلاحقون فأرا وبكل قوة حاولو مرارا ان يضربوه وبكل همجيه ولا مبالاه حاولو ضربه امام بيت جارهم فلم يصيبوه ولكنهم ضربوا باب البيت فاصدر صوتا قويا ثم انتقلوا الى بيت صديقي وكرروا ما فعلوه وضربوا الباب بكل عنف وقوه في محاولة منهم لقتل الفأر ثم انتقلو الى من بجوارهم وكرروا فعلتهم ثم اختفى الفأر ولم يستطيعوا قتله المهم انهم يتصرفون بكل لامبالاه وبكل همجيه وبلا ادنى احترام لأحد.......................

تتصرف ازاااااااااااااااااااااااااااااااااااااي؟؟؟؟؟؟؟؟؟؟؟

هو المفروض ان يتم نصحهم
وان اللي بيعملوه ده فيه ازعاج للآخرين
والناس نوعين..منهم من يتقبل النصيحة بوجه رحب
ومنهم من لايتقبلها أبدا لدرجة انه ممكن يزعق زي ما عمل الراجل صاحب الصندوق في الموقف اللي فات
أعتقد ان المفروض علينا النصح وان لم يتقبلها الشخص اللي أدامنا
على الأقل هنكون حسينا اننا عملنا اللي علينا

hwa ana ha3mel zy ma nona 2alet

bs ms 3aref leh b7es en elzaman da ms beynfa3 feh el nos7

انا رأي انهم لم يحترموا حقوق الجار
و تصرفوا بمنتهي الهمجيه
و لذالك لا اعتقد انهم سوف يقدرون النصيحه
و خصوصا اذا كانت من احد لا يعرفوه
وربنا يهديهم الي الصواب

زي ماكلكم قولتو الناس دول مينفعش معاهم النصح........طبعا انا شااااااكر ليكم كلكم على مشاركاااااتكم الجميله
وهحكيلكم ايه اللي حصل .......طبعا لما صديقي شاف الي حصل غضب غضبا شديدا لدرجة انه رفع صوته ونادى بكل قوه وحزم وبنبرة تملؤها الغضب الشديد على هولاء الشباب واقترب من اكبرهم سنا وامسك به بقوه وشده اليه وقال له محذرا ان فعلت ذلك مره اخرى فسأدفنك مكانك ثم تركه وعينه تتوهج غضبا............انصرف هولاء الشباب بدون جدال .......ثم تكلمت قائلا لا اعتقد ان ما فعلته كان صوابا ...فأجابني ان لم افعل ذلك قد يعودون لما فعلوه مره اخرى ويتجرؤون على بيوتنا
وقال لي ماذا كنت ستفعل لو انك اوقفت سيارتك في مكان ما ووقفت امامها ثم اتى احدهم بمسمار وتسبب لك في اضرار بها؟؟؟؟؟؟؟؟

لذلك قررت ان اسأل سوالا اود منكم اجابة عليه
متى يلجأ الإنسان الى استخدام العنف في التعامل مع المواقف؟؟؟؟؟؟؟؟ وبكرر شكري لنونا وتايجر وياسمين

انا باشكرك جدا يانايت على الفكرة
وباعتذر على التاخير فى الرد
وبعدين انا لو كنت فى الميكروباص ده هاحاول انى اذكره ان ده اخ ليه وطبعا واحد بالاخلاق دى
هايبقى ولاكانى باكلمه فانا هاالتزم الصمت واغير المنكر بقلبى زى ماتيجر وضح فى الحديث الشريف ...........................
------------------------------------------------------------
سبحان الله عددماكان وعددماسيكون وعددالحركات وعدد السكون

اما فى موقف الشباب والفار انا كنت الاول هاقول ان كده شئ غير انسانى منهم لما بيتعدوا على الناس فى بيوتهم بس الناس فى الزمن ده يستاهلوا اللى صاحبك عمله فيهم يانايت
بس ياريت ربنا يصلح احوالنا جميعا ومانلجأش للعنف ده خالص ويبقى شئ محرم

------------------------------------------------------------------------
(المسلم من سلم المسلمون من لسانه ويده..............)حديث شريف
---------------------------------------------------------------------
سبحان الله عددماكان وعددماسيكون وعددالحركات وعددالسكون.

باولا انا بعتذر فعلا يا نايت على التأخير فى الرد على الموضوع ده
وأكيد أنا بتفق مع ارئكم ان الناس دول كان لازم يكون عندهم مراعاة للاخرين واحترام لجيرانهم
وانا شايفة انهم محتاجين لنصيحة عشان يتعلموا احترام الاخرين ومراعاة شعورهم
أما عن سؤالك فأنا شايفة أن الواحد من الأفضل أنه لا يلجأ للعنف فى المعاملة اطلاقا
على الأقل عملا بحديث الرسول صلى الله عليه وسلم"ليس الشديد بالصرعة ولكن الشديد من يملك نفسه عند الغضب"وفعلا لازم تكون معاملاتنا مع بعض كلها رحمة وانسانية بدون عنف او قسوة
وشكرا جزيلا يا نايت على طرح الموضوع الرائع ده