والله العظيم اقول الحق

1- ية الحاجة اللي لو حصلت ادامك تحرجة اوي اوي (( او الموقف المحرج اللي حصلك )) ؟؟؟

ان حد يتاريا عليا او حد اللى حاجة حلوة فيا ادامى او اكلم حد ومايردش عليا اودام حد او حد يكلمنى وانا مش متوقعة انو يكلمنى .
والموقف المحرج هما كتييييييييييييييييييير وميتعدوش اصلا فيهم موقف حصلى فى ممر اصحافةكنت هعيط بسببه وموقف حصلى فى المبنى الجديد اودام الناس اتحرج اااوله.و مرة كنت فى اللجنة و كنت عايزة اسال واحدة صاحبتى جنبى عن الساعة فالتلها بسسسس فلايت كل اللجنة بتبصلى فمكنتش عارفة ابص لمين واساله عن الساعة.


2-اية الصفة اللي مهياش عيب بس تدايقك اوي لو شفتيها ؟؟؟

ان حد يكسف حد اودام الناس كلها او يتهمه بحاجة اودام الناس - اعتقد ان دى حاجة لا تغتفر بالنسب ليا حتى لو انا ماكنتش طرف فى الموقف ده -
اه وصفة الجراة - دى مش بحبها خالص - انا بالنسبة ليا ان حد ياخد حقه جراة.


3-اي هو السؤال اللي مش عوزة تتسئلية ؟؟

مين اقرب واحد ليا فى اصحابى .


4- مين العضو او العضوة اللي عوزة تعرفي عنة حاجة واية هو السؤال اللي هتسألية ؟

sokara عايزة اسالها اسممك ايه فى الحقيقة ؟


5- بحبي تقري ولو بتحبي منين انتقل اليكي هذا الحب اية هما الانواع اللي بتحبي تقريها ؟؟

لا انا مش بحب اارا خالص ولو حبيت اارا هارا الروايات الصغيرة دى وقصة ميكى.

6-6 هل تعتبري نفسك زكية ؟؟؟ (( سؤال رخم ))
اها لا مش بعتبر نفسى زكية


7- اية الحاجة اللي تعمليها وانتي مديقة (( مديقة طحن )) وترجعك المود ؟؟

انى اجاوب على جاجة وانا مجبرة خوفا من انى احرج اللى ادامى


8-حاجة بتتمنيها في اللحظة دي بالظبط (( بسرعة من غير تفكير كتير )) ؟؟

ان اختى مكاانتش تكون جانبى دلوقتى عشان بتتريا على انا بعمله

اوكي يا موناليزا اسمي الحقيقي هابعتهولك قريب ان شاء الله في رسالة خاصة

وحاضر يا عمدة السكاريت محدش هيفلت من الكرسي وحضري نفسك يا سيمونا بعد موناليزا
وانتي يا سمسمة ادامك فرصة ذهبية عشان تحضري نفسك واهلا بيكوا كلكوا علي الكرسي

1-حبك للأهلي نبع من فين ?

كنت بابا بيتفرج على ماتش 6-1 وانا كنت عايزة اتفرج على حاجة تانية فبابا مارداش فاعدت اتفرج معاه وعجبنى اوى انى اشجع فريق دى فلايت بابا بيشجع الاهلى فشجعت معاه ومن ساعتها ...........
بس هاولك على حاجة انا اصلا مش بطىء اى ماتش مش فيه الاهلى او مصر لانى اصلا بتفرج على الماتش انتماءا للفريق اللى انا بشجعه مش حبا فى الكورة .


2-مين أكتر واحد بتحبيه في الأهلي ؟

ابوتريكة وبركات وحسن مصطفى


3-ايه رأيك في الزمالك ؟

بجد بدايىء جدا لما اعرف ان نتايجه وحشة كده وبينهار لان ده مش فى صالح مصر .


4-في حد مزعلاه وعايزة تكلميه بس عزة نفسك منعاك ؟ مين ؟

حاليا لا مفيش الحمد لله


5-في حد مزعلك ؟

اها

الحمد لله انا لسه ادامى شويه الحق اراجع كويس واعمل احتياطاتى
يلا ربنا بيحبنى


مونااااااااااااااااااااااااااااليزاااااااااااااااااااااااااااااااااااااااااااااا

استعدى

قوليلى يا بونيتى العزيزه

موقف حصلك وانتى صغيره وماثر فيكى لغايه دلوقتى

امنيه تمنتيها ومش تحققت

امنيه تمنتيها وتحققت

امنيه بتتمنيها ونفسك تتحقق

رتبيلى اولوياتك وبصراحه

قوليلى حكمه انتى متاثره بيها وبتعملى بيها ديما فى حياتك

اكتر مكان بتحبيه فى الكليه

بتحبى تقضى اجازتك ازاى

لو زعلتى من حد بتقوليله وتواجهيه ولا تفضلى تبعدى عنه وخلاص

اكتر حيوان بتحبيه وايه اكتر حيوان بتكرهيه

مممممممممممم

كفايه كده مؤقتا

متزعليش انا هسال تانى

بس ده مجرد تسخين بس

انا ببتدى وحده وحده عشان انا فى منتهى الطيبه بس

حد يقدر يتكلم

يلا يا هانم جاوبى وبسرعه

اكتر صفة تحبييها ؟

اكتر صفة تكرهيها ؟

شخصية كنتي قاكراها رخمة في الاول و بعدين اتصاحبتو ؟ ( بالاسم )

انا باه هاسال السوال الرخم اللى انت مش عايزه حد يسالهولك
مين اقرب واحد ليكي في اصحابك ؟

و السوال اللي انا واخده جميع حقوق الملكية الفكريه فيه




ايه هي اللزمه بتاعتك ؟






و شكرا

1-موقف حصلك وانتى صغيره وماثر فيكى لغايه دلوقتى?

ممممممممممم كنت واعت فى المدرسة وانا فى 4 ابتدائى ورجلى اتكسرت فاعدت فىوسط الحوش بعيط عياط هيستيرى فمدايئة عشان منظرى كان وحش جداا ادام الناس كلها لان المدرسة كانت وافة طبور ساعتها



2- امنيه تمنتيها ومش تحقق؟

وانا صغيرة كنت بتمنى ادخل علوم قسم فلك بس متحققتش والحمد لله عشان اكيد كنت هباى مدايئة عشان دخلت علوم مع انها امنية حياتى.


3-
امنيه تمنتيها وتحققت؟

لا مش هجاوب على السؤال ده معلشى


4-امنيه بتتمنيها ونفسك تتحق؟

انى اباى دكتورة ناجحة واادر ابنى كام ناطحة سحاب كده عشان احل المشكلة السكانية فىمصر



5-رتبيلى اولوياتك وبصراحه؟

مش هجاوب متزعليش هباى ااولك بينى وبينك


6-قوليلى حكمه انتى متاثره بيها وبتعملى بيها ديما فى حياتك

friendship is like ballons ,once u let them go u can never bring them back ....



7-اكتر مكان بتحبيه فى الكليه ؟

السلالم بتاعة الجامع بتاعة المبنى الجديد



8-بتحبى تقضى اجازتك ازاى؟

فى البيت وادام الكومبيوتر واودالم الدش واروح الكلية بردو



9-لو زعلتى من حد بتقوليله وتواجهيه ولا تفضلى تبعدى عنه وخلاص؟

لا مش باوله بس ببعد عنه نسبيا وبباى شايلاها جوايا



10-اكتر حيوان بتحبيه وايه اكتر حيوان بتكرهيه؟

بحبه : هوا طائر العصفورة و بحب الحصان
وبكرهه :الكلب والحمار

ورجعت تانى زى ما وعدتك

وهسال السؤال الشهير قوليلى عيب وميزه فى كل من


1-عمرو عادل
2- ان نون
3- عدوى
4- سيربنت
5-نايت
6- كريزا
7- كوكو
8-تيست تيوب
9-سيمونا
10--سكره
11- واحمممم سمسمه

السؤال التانى

قولى وبصراحه باحته وبجد مش هزعل ولا هضايق نوهاءى

1- موقف حصل منى وضايقك

2- موقف حصل برده منى وفرحك ((اكيد كتييييييييييييييييييير انا عارفه طبعا))

3-موقف حسيتى فيه انى رخمه قوووووووى

4- اكتر حد ضايقك اسءلته ((اكيد مش انا مش كده))

5- اكتر صفه ممكن تضايقك من واحده صحبتك

يلا

ويمكن اجى تااااااااااااااااااااااااااانى


طبعا كلكم عارفييييييييييييييييييييييين انى طيبه جدااااااااااااااااا

ده انا بقول للطيبه تقوم عشان سمسمه الى هو انا تقعد مكانها

1- اكتر صفة تحبييها ؟

الرزانة


2-اكتر صفة تكرهيها ؟

الجراة


3-شخصية كنتي قاكراها رخمة في الاول و بعدين اتصاحبتو ؟ ( بالاسم ؟

منى صاحبتى


4-انا باه هاسال السوال الرخم اللى انت مش عايزه حد يسالهولك
مين اقرب واحد ليكي في اصحابك ؟


لا مش هارد يا رخمة بس كفاية انى ااولك ان انتى منهم


5-ايه هي اللزمه بتاعتك ؟

وانا بذاكر باول لنفسى - بصى باى يا ستى -

وانا بكلم اى حد كلمة كتير باولها - بتهزرى -

انا منهم !!!!!!!!!!!!!!!!!
شكرا و الله انا كنت فاكره كده برضه و انت بصراحه من اقرب الاصحاب ليا برضه




سيبك من الطيبه و الرومانسيه ده


جمله سمعتيها و عجبتك ؟


صفه كان نفسك تبقى فيكي ؟


و بالعكس صفه بتكرهيها في نفسك ؟

1--عمرو عادل : طيب جدا وبيحب الاطفال جدا ومحلل نفسانى شاطر جدااااااااا والعيب لا مش عارفة بصراحة .
2- ان نون: دمه خفيففففففف جدااا والعيب : ساعات بيحرج اللى اودامه - ممكن من غير مايقصد -
3- عدوى: طيب جداا وهادى جداا وصوته هادى و العيب لما بيتنرفز على حد بيتحول 180 درجة وساعا ت مش بيراعى شعور اللى اودامه ز
4- سيربنت : طيب جدا ومش سوسة و قائد كويس جدا ولبق وبيشرح كويس والعيب : ساعات كتير بيحرج اللى اودامه
5-نايت : مش اعرفه فى الحقيقة بس باين عليه شخصسة زوء جداا و بيحب اصحابه
6- كريزا : مبتكرة و بتحب تعمل اصحاب كتيييييييير وعيبها بتتنرفز بسرعة و متسرعة
7- كوكو : طيبة جدددددددددا وبتحب اصحابها اوى والعيب لما تلاقى حد عصبى ادامها بتتعصب عليه هيا كمان
8-تيست تيوب : بجد زى العسسسسسسسسل وبموت فيها و طيبة جداااااااااا والعيب سرها كل الناس بتكون عارفاه
9-سيمونا : طيبة جدااا وبتحب المذاكرة و انا فى تالتة ثانوى سمعت حد بيجاوب ورايا فى الفصل وصوته حلو جدااااا فبصيت ورايا طلعت هيا

10--سكره : باين عليها شخصية حلوة جداا ونفسى اعرفها فى الحقيقة
11- واحمممم سمسمه : بجد شخصية طيب جداااااااااااااااااااااااااااااااااا وبحس انها ملاك مش مكانه الارض والعيب : ساعات كتير مش بتسمع كلامى بس لو تعرف انها اكتر واحدة فى الدنيا كلها باولها كلام من البى .......





1- موقف حصل منى وضايقك؟

اه لما كنت باولك ماتكلميش حد و كده ياعنى بس برده كنمتى بتملى بس الحمد لله بطلتى



2-- موقف حصل برده منى وفرحك ((اكيد كتييييييييييييييييييير انا عارفه طبعا))

لما اكون مدايئة وانتى اول واحدة بتاوليلى مالك بحس ان انتى الوحيدة اللى حاسة بيا


3-3-موقف حسيتى فيه انى رخمه قوووووووى؟

ولا موقف بجد


4-- اكتر حد ضايقك اسءلته ((اكيد مش انا مش كده))؟

ولا حد بجد


5-- اكتر صفه ممكن تضايقك من واحده صحبتك؟

انها تطنشنى

1-جمله سمعتيها و عجبتك ؟؟

لما حد ال عليا محترمة جدا


2-صفه كان نفسك تبقى فيكي ؟

انو يباى دمى خفيييييييييف جدا

3-و بالعكس صفه بتكرهيها في نفسك ؟

انى لما بباى ماشية لوحدى فى اى مكان بحس انى معانديش ثقة فى نفسى فبحاول انى اخفى ده بانى ابان مغرورة مع اانى مش مغرورة بتاتا

و بزها بسرعة

وعندى ساعات حب تملك لحاجاتى

كفاية كده على موناليزا

حرام عليك يا سمسمة افتكري ان ليك يوم

شكرا يا موناليزا على إجاباتك أنا كنت ناوي أسأل بس مستحيل أسأل عن حاجة بعد الإجابات دي

لا بجد اية كل الاسئلة دي
وبعد البحت والتاكد والتدقيق اكتشفت من مشاركات الاعضاء ان سمسمة مشاركاتها اكتر من سمونا فيبقا كدة اللي جي سمسمه (((( لا مفيش مفر كلة في دورة ))))
بيتهيقلي ان سمسمة تبتدي يوم الخميس النهردة بليل يعني


((( دة لو موافقين يا جماعة )))

سؤال كدة ضرب في بالي (( بتحبي الاطفال )) وهل بياتي عليكي لحظة بتزهقي منهم ((( زي مبيقولو انهم بيرغمو فجئة )) ؟؟

طبعا طبعا موافقين

لازم نسأل سمسمة الطيبة كام سؤال كده مش هنكتر استعدي يا سمسمة

سمسمممة ......... حظك جميل هعرف اسالك مش زي موناليزا فلتت مني

يالا جاوبي علي الشوية الصغننين دول لحد ما افكر في شوية كمان


1. اية الصفة اللي ممكن تخليكي تكرهي الشخص اللي قدامك لو لاقتيها فية ؟
2. اية اكتر موقف زعلك اووووووي ؟
3. اكتر موقف فرحك اووووووي ؟
4. ممكن تخسري حد بسبب صفة وحشة فية وانتي بتكرهيها ولا تحاولي تنصحية الاول ؟
بس افرض مسمعش نصيحتك هيكون اية رد فعلك وفعلا صفة وحشة جدااا؟
5. امنياتك اية دلوقتي ؟

قولي كلمة واحدة ( ممكن كلمتين تلاتة )
(عن اي حاجة: سؤال . شكر . طلب . امنية . اي حاجة تحبي تقوليها ) لكل من :

1. سمسمة
2. موناليزا
3. كريزا
4.سكرا
5. تيست تيوب
6. سيمونا
7.عمرو عادل
8. سيربنت
9. ان نون
10. عدوي
11. نايت ولف


بسسسسس كفاية عليكي كدة بقي ...... اينعم قليلين بس معلش بقي

أهلا

مين أكتر واحد قريب ليكي؟
تعاملك مع أصحابك زي تعاملك مع اخواتك ؟ ولا انت عصبية معاهم شوية؟
شخصيتك عجباك ولا في حاجة نقصاها ونفسك تبقى فيك ؟
من كلامهم في المنتدى عنك انت شخصية حساسة جدا جدا ؟ صح ولا ؟؟
مين أقربلك ماما ولا بابا ؟ ومين اللي حاسه انك مقصرة معاه منهم ؟ ولا الاتنين ؟
ايه أكتر حاجة متحبيش حد يقولها عنك ؟
هل بتقبلي نقد الآخرين مهما كان ؟ طب لو كان النقد ده من قرايبك تقبليه؟


ولسة هسأل بعد شوية

ازيك يا سمسمة ياريت تتطولي شوية علي الكرسي ده
انا مش هاسئلك لان كفاية الاسئلة اللي عندك(ربنا يكون في عونك)

من علي الموبيل حالااااااااااا

سمسمة بتقولكم اسالو براحتكم علي الاخر هي مستعدة كويس اوووووووووي
بس هي مش هتقدر تدخل ولا النهاردة ولا بكرة وهتجاوب علي كل الاسئلة يوم السبت ان شاء الله

يعني كل اللي نفسة في حاجة يقولها هي اللي جابتة لنفسها بقي مالناش دعوة

ايه السؤال اللي مش عايزة تتسئليه ؟

في حد مزعلك ؟ قولي مين وليه لو تقدري ؟

انت مزعله حد ؟

برجك ايه ؟

أكتر حيوان بتحبيه ايه ؟

أكتر يوم بتحبيه ايه ؟

شوية اسئلة كده علي الماشي
هل انت رومانسية؟
هل تومنين بالحب من اول نظرة ؟
هل تعيشين قصة حب ام لا؟
مواصفات فتي احلام سمسمة؟
اكتر فيلم عربي بتحبيه؟واجنبي؟
اكتر اغنية عربية بتحبيها وكمان اجنبية؟

يلا كفاية عليكي دول موقتا يا سمسمة رجعالك تاني باي

يا لا يا سمسمة مستنين ردودك وجهزي نفسك يا سيمونا السبت بليل

الي اللقاء

اولى العيوب فى ولو عايزة تاولى مميزات اولى :
1- sokara
2- emo
3- maha
4- dr.kreza
5- koko el doctora
6- smsma
7- 3mr 3adel
8- night wolf
9- 3adawy
1- unknown
11- semonna
12- test tube

لا بجد حرااااااااااااااااااااااااااااااااااااااااااااااااااااااااااااااااااااااااااااااااااااام

ايه ده كله ايه ده كله

بس هجاوب وامرى لله

بسم الله الرحمن الرحيم
----------
الاجابه
---------
. اية الصفة اللي ممكن تخليكي تكرهي الشخص اللي قدامك لو لاقتيها فية ؟
ممكن الحقد يكون حقود يعنىىى
----------------------------------------
2. اية اكتر موقف زعلك اووووووي ؟
بصى هو انا الطبيعى مش بحب ازعل اصلا لكن ساعات بزعل بس بالنسبه لاكتر حاجه زعلتنى مش هينفع اقول ------------------------------------------
3. اكتر موقف فرحك اووووووي ؟
يوم ما اختى جابت بيبى وعرفت انى بقيت خاله
-------------------------------
4. ممكن تخسري حد بسبب صفة وحشة فية وانتي بتكرهيها ولا تحاولي تنصحية الاول ؟
بس افرض مسمعش نصيحتك هيكون اية رد فعلك وفعلا صفة وحشة جدااا؟

اكيد هنصحه بس لو مش سمع اكيد هخسره بس لو كانت حاجه جامده اوى
---------------------------------------------

5. امنياتك اية دلوقتي ؟
اقوووووووووووووووووم من على الكرسى ده حاااااااااااااااااااااااااااااااااااااااااااااالا
_________________

يالا جاوبي بسرعة وبطلي ضحك
ومتكروتيييييش ....... ومفيش مساعدة