فكره و رأي

فعلاً موضوع رائع يا ياسمين ويستاهل ،، وهيفيد ناس كتير جدا وأنا أولهم طبعا
مستني أول فكره ......

فكره جميله يا ياسمينه
انا شايف ان الاقتراح الاول كويس ان الاعضاء يبعتوليك الافكار وانتى تبداى ترتبى اولويه عرض الافكار
بس اعتقد اسبوع كتير شويه لان اعضاء الى بيشاركوا مش كتير فممكن يبقى فى ملل لو خليناها اسبوع بقترح3او اربع ايام بالكتير
بالنسبه ان صاحب الفكره هو يرد اخر واحد فده مش شرط لان احنا عاوزين يكون فى تفاعل بين كل الاعضاء و مش بس كل واحد يقول رايه ممكن كمان يعلق على راى اى عضو تانى سواء بالاتفاق معاه او الاختلاف و.......بس
وان شاء الله الكل يشارك
...............................
خالص تقديرى

فكره جميله جدا يا ياسمين والله كده بدأت احس ان الحياه هترجع من تاني للسكارييت............شكرا جدا جدا

أنا ساعتها هانقذالأم وأضحي بالطفل لان أصل فرصته في الحياة ضئياة حتي لو عاش أكيد هتبقي حياته صعبة من غيرأم خصة لما يكون عايش مع أب بالاخلاق اللي تخليه يضحي بشريكة حياته ومامة ابنه واللي يخليه يضحي بالام هيخليه يضحي بالابن في اي وقت...........
وعلي فكرة هقولها تتطلق منه بعد ماتخف علشان ده وحش مش انسان............

أنا متفق تماماً مع Kaito Kid
وبخصوص إني أضحي بمستقبلي عشان إنسان فأنا رأي
إن أشوف الإنسان ده هل يستاهل إني أضحي بمستقبلي كله عشان خاطر أنقذه ولا لأ
فأنا مش معقول أضحي بمستقبلي عشان إنسان ميستهلش ،، ومستني باقي الآراء
والفكرة ده حلوة أوي يا ياسمين وبشكرك عليها ...

من وجهه نظرى انه فى الحاله الطبيعيه من المفترض الا يتعارض مستقبلى مع حياه اى انسان
لكن لو ده حصل يبقى ياما
انا غلط وبالتالى الموضوع محتاج اعاده تفكير فى الخطوه ده
او الشخص الاخر هو الى غلط وبالتالى احاول امشى فى الخطوات الى رسمها لمستقبلى وفى نفس الوقت احاول افهمه وجهه نظرى
......................................
اعتقد ياسمين ان الحاله الى زكرتيها مالهاش علاقه بمستقبل الطبيب لكن تقدر تقول باخلاقه حسن تصرفه
طبعا الطبيب اخطا انه نفذ رغبه الوالد لان الطبيعى انه الاهم هو صحه الام
لكن بصفه عامه اعتقد ان الحاله ده غريبه وماعتقدش انها موجوده بصوره كبيره يعنى مانتقدرش نعتبرها ظاهره.....لكن بالتاكيد الاب والطبيب كلاهما مخطئين
............................
خالص تحياتى

أنا مؤيد للرأي ده بس في حالة واحدة لو كان
متوافق لما قاله الرسول -صلى الله عليه وسلم- بمعنى إن الرسول الكريم قال وعلموهم على سبع واضربوهم على عشر
والضرب هنا مش بمعنى إنه يكسر أو يدغدغ الإبن ، ولكن الضرب بسواك أو حاجة بسيطة
يعني متأثرش في نفسية الطفل أو حتى في جسمه ،، وأي ضرب غير كده أنا مش معاه أبداً لأن
ده مش أسلوب أي واحد يعامل بيه إنسان وإللي ربنا رفع من شأنه
ومستني باقي الآراء
وألف شكر يا ياسمينة على الفكرة الروعة ده

ماعتقدش انى هقدر اضيف كلام جديد بعد الكلام الجميل الى قاله ميدو ولولو
فعلا التربيه بالضرب والعنف هو من اكثر الاشياء التى توثر على نفسيه الطفل وقد تحوله الى شخص عدوانى يوثر سلبا على نفسه ثم المجتمع
وهذا لايعنى ان الايقوم الاب بعقاب ابنه فى حاله الخطا ولكن عليه ان يتخير الطريقه المناسبه للعقاب مثل ان يحرمه من شى يحبه اذا اخطا
واذا اضطرت الى الجوء للضرب يجب ان يكون فى صوره نفسيه تعبيرا للابن المخطا عن حاله الغضب الى انتابت الاب نتيجه لخطاه

طبعا لكل قاعده شواذ وفى الاول وفى جميع الاحوال التربيه ده موضوع نسبى يعنى ربما طريقه يستخدمها الاب لتربيه الابن تنجح تمام بينمااذا طبقنا نفس الطريقه على شخص اخر ربما تفشل فشل زريعا
فلقد سمعت من يقول انه لولا ان والده كان يقوم بضربه بقسوه ماكان قد انصلح حاله الى هذه الدرجه
..............................
خالص تحياتى

معلش يا ياسمين بس أنا كنت عايزة أقول رأيي في موضوع الضرب..........
أولا الطفل ده مش حيوان علشان يضرب حتي الحيوان حرام انه يضرب.......لانه روح بتحس وبتتألم...وبصراحة اللي بشوفه بيحصل في المدارس وفي بعض البيوت بيوحيلي ان المدرسة مجزرة و البيت مكمل ليها.طب ليه مفيش في دماغهم غير العنف.فين الانسانية.فين حقوق الطفل وحقوق الحيوان كمان........عايزة أقولك ان أنا مرة شفت واحد بيضرب حصان علشان يقوم والحصان مش عايز وكلثانية تعدى يزيد قسوة في ضربه.طب ليه؟؟هو مش ممكن يكون الحصان ده تعبان أو في رجل حصلها حاجة من غير ما الراجل يحس...بيضربه علشان هو مش قادر يتكلم وكذلك الطفل اللي مش بيعرف يعبر هو عمل الغلط ده ليه......يا جماعة احنا مسكلتنا اننا مبنفهمش........يا ريت نقدر نفهم الظروف والاسباب اللي تخلي حد يعمل حاجة غلط.....وكمان عايزة أقول اننا في دوامة مش هتخلص الا اذا كل واحد ابتدي بنفسه وقدر يسيطر علي عقدة الانتقام وحب التعذيب اللي جواه.وعايزة أقولوكوا كمان ان أكتر من 85%من اللي بيتعرضوا للعنف بيمارسوا علي الباقيين..وبالتالي زي م قلت احنا في دوامة مش هتخلص الا اذا كل واحد ابتدي باصلاح نفسة وربنا يزرع في قلوبنا جميعا الرحمة و الحب........
ومعا نرفع شعار لا للعنف لليوم والغد والمستقبل

والله انا شايف الحكم ده بسبب ثغرات القانون لان مافيش اى منطق فلى الدنيا يقول ان ان صاحب العباره برى لكن نعمل ايه مدام فى افوكاتو يبقى ماتستغربش

kaito kid كتب:

معلش يا ياسمين بس أنا كنت عايزة أقول رأيي في موضوع الضرب..........
أولا الطفل ده مش حيوان علشان يضرب حتي الحيوان حرام انه يضرب.......لانه روح بتحس وبتتألم...وبصراحة اللي بشوفه بيحصل في المدارس وفي بعض البيوت بيوحيلي ان المدرسة مجزرة و البيت مكمل ليها.طب ليه مفيش في دماغهم غير العنف.فين الانسانية.فين حقوق الطفل وحقوق الحيوان كمان........عايزة أقولك ان أنا مرة شفت واحد بيضرب حصان علشان يقوم والحصان مش عايز وكلثانية تعدى يزيد قسوة في ضربه.طب ليه؟؟هو مش ممكن يكون الحصان ده تعبان أو في رجل حصلها حاجة من غير ما الراجل يحس...بيضربه علشان هو مش قادر يتكلم وكذلك الطفل اللي مش بيعرف يعبر هو عمل الغلط ده ليه......يا جماعة احنا مسكلتنا اننا مبنفهمش........يا ريت نقدر نفهم الظروف والاسباب اللي تخلي حد يعمل حاجة غلط.....وكمان عايزة أقول اننا في دوامة مش هتخلص الا اذا كل واحد ابتدي بنفسه وقدر يسيطر علي عقدة الانتقام وحب التعذيب اللي جواه.وعايزة أقولوكوا كمان ان أكتر من 85%من اللي بيتعرضوا للعنف بيمارسوا علي الباقيين..وبالتالي زي م قلت احنا في دوامة مش هتخلص الا اذا كل واحد ابتدي باصلاح نفسة وربنا يزرع في قلوبنا جميعا الرحمة و الحب........
ومعا نرفع شعار لا للعنف لليوم والغد والمستقبل

انا فرحانه جدا بمشاركتك يا kaito kid
و متفقه معاكي تماما في الرأي و خصوصا ان كل واحد لازم يبتدي بنفسه
و يكون قدوه لمن حوله
و بشكرك علي مشاركتك و اتمني انك تشاركينا دايما برأيك