فكره و رأي

انا قعلا بعتذر عن التاخير في الرد
بالنسبه للموضوع بتاع المريض وزي مالولو قالت ان دكاتره كتيير اتعرضو للموقف ده
انا فعلا باشاركم الراي اني لازم ادي للمريض امل يعيش بيه ومش لازم اعرفه اد ايه حالته صعبه لأني مجرد ما هاتكلم معاه في النقطه دي ومهما حاولت اديله امل بعدها هيكون هو اكيد ادمر نفسيا....بس طبعا لازم اهله يكون عندهم خلفيه عن حالته وشكرا جزيلا يا ياسمين وبكرر اسفي مره تانيه

اولا احب اشكرك جدا جدا يا ياسمين على الموضوع اللي فعلا بعتبره مهم جدا جدا وخصوصا في الوقت الحالي
من وجهة نظري ان القصور الأخلاقي ده بكل صوره ليه اسباب كتيره جدا اهمها طبعا البعد عن الدين ومتهيالي ان السبب ده هو فعلا اللي مخلي ناس كتير اوي تبقى في حاله من القصور الأخلاقي..طبعا في اسباب تانيه مثلا زي انتشار الأميه ونقص المستوى
التعليمي...وبرضو التربيه ليها عامل كبيير في تحديد الموضوع ده وطبعا البيئه اللي نشا فيها الشخص برضو بتحدد اخلاق الإنسان

وبكرر شكري ليكي يا ياسمين على طرح الموضوع ده للنقاش

انا بتفق معاك يانايت ان السبب الرئيسى للانحلال الخلقى هو الابتعاد عن الدين
لكن بختلف معاك فى نقطه ان يكون الاميه ونقص المستوى التعليمى هم سبب فى هذا الانحلال
فالرسول صلى الله عليه وسلم كان اميا ولكنه كان صاحب افضل خلق فى التاريخ

كما ان هناك الكتير من الاشخاص غير المتعلمين ولكنهم ذو اخلاق عاليه واذا بحثت عن السبب تجد انهم متمسكين بدينهم
والعكس صحيح فقد تجد من الناس من وصل لمكانه عاليه من العلم ولكن خلقه وصل لدرجه عاليه من الانحلال
فكلمه السر فى هذا الموضوع هى اولا واخير_من وجهه نظرى_الابتعاد عن الدين

شكرا ياسمين لطرحك للموضوع
.
.
.خالص تحياتى

انا فعلا متفقه مع نايت وتايجر ياجاسمين فى ان السبب الرئيسى للقصور الاخلاقى هو قلة الوعى الدينى وشبه انعدام التقوى عند بعض الناس ونسيانهم ان فى قبر وحساب وعذاب لو كل واحد فينا قصد ربنا فى الجزاء على اعماله كلنا هنسارع للخير وهانتخلى عن القصور الاخلاقى اللى قرب او فعلا هدم مجتمعنا وخلانا بلا هويه وبلا هدف .....................
لازم كل واحد يراجع نفسه وميقولش ماهى الناس كلها بتعمل كده اشمعن انا !!!!!!!!!!!!!!!!!!!!!!
اهو انت بقى لازم تبدأبنفسك ان شاء الله


(فمن اتقى واصلح فلا خوف عليهم ولاهم يحزنون)
__________________________________
سبحان الله عددماكان وعددماسيكون وعددالحركات وعددالسكون............

اقتباس :

انا من وجه نظري ان هناك سبب اخر بجانب الابتعادعن الدين
و هو الانفتاح علي دول الغرب و امريكا
و للاسف مجتمعنا بدأ يقلد تلك المجتمعات تقليد اعمي
بل اعتقد انه بدأ يأخذ كل ما هو سلبي من اخلاقيات و سلوكيات
و التي تتنافا تماما مع دينا و تقاليد مجتمعنا
فلابد من كل شخص ان ينظر نظره اخري لتلك المجتمعات
و ان يأخذ منها ما يتناسب معه و مع شخصيته
و انا متفقه جدا مع ايمان ان كل واحد لازم يبدأ بنفسه أولا
و بشكركم جدا علي تفاعلكم مع الموضوع
وربنا يصلح حال المسلمين اجمعين

خالص احترامى لرايك
لكن لو فكرتى فيه كويس هتلاقى انه نفس النقطه وهى الابتعاد عن الدين
فلو اننا متمسكون بديننا واخلاقنا كنا اذا انفتحنا على المجتمعات العربيه سناخذ فقط ماينفعنا ونبتعد عما يتنافى مع ديننا واخلاقنا
لكن معنى ان احنا ناخد ماهو سلبى مننا يبقى احنا مش متمسكين بديننا كما ينبغى

خالص احترامى وتقديرى

بشكرك ياسمين على رايك الجميل

بس احب اوضح حاجه ان الاخلاق والقيم والمبادى هى صفات نستمدها من الدين
اذا فتمسكنا بالدين يعنى تمسكنا للمبادى والقيم والاخلاق اى انهما وجهان لعمله لوحده
اذا فمن وجهه نظرى ان اى سبب للانحلال الاخلاقى ترجع فى النهايه لسبب واحد وهو الابتعاد عن الدين
.
.
.خالص احترامى وتقديرى