فكره و رأي

فعلا طول ما في محامين ضميرهم نايم او مش موجود اصلا لازم يحصل كده
و كل الي اقدر اقوله يارب انصر كل مظلوم و انتقم من كل ظالم انك علي كل شئ قدير
و شكرا يا ميدو و لولو و بلاك تايجر علي مشاركتكم

ايه رأيكم في التبرع بالأعضاء قبل او بعد الوفاه

بصي يا ياسمين أنا عشان مش عايز أكدب عليكي ،، أنا معرفش إذا كان التبرع
بالأعضاء ده جائز في الشرع ولا لأ ،، وأنا عن نفسي شايف إنه ما فيش مشاكل
لو إنتي هتعملي كده عشان تنقذي حياة إنسان تاني (مع العلم إن الأعمار بيد الله)
وإنما لو هتاخدي الأعضاء من إنسان ميت فأنا مش عجباني الفكرة وحتى لو أهل
الميت وافقوا ،، لأن الميت ليه حرمته
وده مجرد رأي أنا ،، ومعرفش إذا كان صح ولا لأ
وشكراً يا ياسمين على أفكارك الحلوة

انا سمعت ان في فتوي بتحلل التبرع بالاعضاء سواء علي حياه الشخص
او بعد وفاته بس ده بيكون برغبته يعني هو بيوصي بكده
اما عن رأي انا مع التبرع بالعضاء علي قيد الحياه علي اساس
ان الواحد هيبقي عارف اذا كان الشخص الي هتبرعله يستحق و لا لا
كمان اذا كان هيقدر يحافظ علي الامانه و لا لا
اما بعد الوفاه فأنا اعتقد ان جسم الانسان امانه ورجعت
الله سبحانه و تعالي
و شكرا علي مشاركتك يا ميدو

بصراحة يا ياسمين الموضوع ده فعلا مثير للجدل والنقاش بين الدكاترة وعلماء الفتوى
وانا شايفة ان التبرع ده يفضل أنه يكون بعلم الشخص
ده قبل وفاته عشان فعلا زيى ماقلتى يا ياسمين الشخص يعرف إذا كان الشخص
اللى هياخد منه حاجة من جسمه هيعرف يحافظ عليها ولا لأ
وكمان يعرف مدى استحقاقه للتبرع ده
اما بعد الوفاة فالميت ليه حرمته زى ما ميدو قال
والله أعلم طبعا ايه الصح الاكيد فى الموضوع ده
وشكرااااااااا ياسمينا على طرح المواضيع المهمة دى

الموضوع قوي جدا وعليه خلاف كبييييير جدا
انا من وجهة نظري المحدوده شايف ان التبرع بالأعضاء وخصوصا علشان انقذ حياة مريض بشرط طبعا بدون اذيه للمتبرع ده ليه ثواب كبييير من الله
اما في حالة اخذ اعضاء من المتوفي لأنقاذ حياة مريض فيهيألي انه مسموح بيه بس طبعا لما الميت بيكون سامح بكده قبل مايموت .. ...لأن الحي ابقى من الميت واحنا في الأخر بننقذ حياة شخص معرض للموت
بس عاوز اضيف حاجه في الأخر انه لازم نفرق بين التبرع بالأعضاء وبيع الأعضاء

وبعتذر بشده عن انعدام مشاركاتي في المواضيع المطروحه سالفا...........

انا شايف ان التبرع بالاعضاء ده شىء كويس لانه بساعده على منح حياه جديده لشخص اخر (طبعا الاعمار بيد الله
دا فى حاله ان المتبرع يكون موافق على كده ومايكونش ده هياثر عليه

ومعتقدش ان فى خلاف بالنسبه للنقطه ده بين العلماء والشيوخ
الخلاف فى نقطه الشخص الى عنده موت جذع المخ هل يعتبر ميت ام لا وبالتالى يجوز ان احنا ناخد من اعضاءه لانقاذ حياه اشخاص اخرى ام لا
اعتقد هى ده النقطه الى فيها جدل شديد الان بين موافق ومعارض
.....................
شكرا ياسمين على طرحك للموضوع المهم ده
.
.خالص تحياتى

موضوع: رد: فكره و رأي الجمعة أغسطس 15, 2008 6:31 pm

طبعا هو فب الاول و الاخر لازم موافقة المتبرع.........
بس من وجهة نظري الشخصية انا ارفض لان اعضائي ملك لربي مش ملكي علشان اتبرع بيها ولو بصينا من ناحية انتفاع الغير فانا شايفة ان العلم قادر علي حل المشكلة دي وزي م قريت قريب ان د\عطا الله وده دكتور اطفال قدر يعمل مثانة حقيقية من جسم المريض نفسه وبعد كده يزرعهاله و فعلا تقريبا كان نسبة النجاح 100%ولذلك انا شايفة ان العلم قادر علي تعويض الانسان بالحاجة اللي عايزها ومش ضروري خالص نتبرع بأعضائنا اللي ربنا ادهالنا امانة...........
وفي النهاية ده مجرد رأي شخصي والاختلاف لا يفسد للود قضية.........

موضوع: رد: فكره و رأي السبت أغسطس 16, 2008 5:36 pm

أنا متفقة على ان التبرع بالاعضاء شيء كويس جدا ويثاب عليه الشخص في حالة طبعا موافقة المتبرع وفي حالة ان ميكنش ده هيأثر عليه او يسببله اي نوع من أنواع الضرر....
وأنا قريت فتوى في الموضوع ده وعايزاكم تشوفوها برضو...وهو كالآتي:
التبرع بالأعضاء لا يخلو صاحبه من واحدة من صورتين:
الأولى: أن يكون تبرع في حياته بعضو منه لينقل منه هو حيا.
الثانية: أن يكون تبرع به حيا، ولكن لينقل بعد ما يموت هو.
أما
في الصورة الأولى: فإذا كان هذا العضو مما تتوقف حياة المتبرع عليه،
كالقلب والرأس ونحوهما، فلا يجوز التبرع به، لأن التبرع به في معنى
الانتحار، وإلقاء النفس في التهلكة، وهو أمر محرم شرعاً، ومثل ذلك ما إذا
كان نقل العضو يسبب فقدان وظيفة جسمية، أو يؤدي إلى تعطيل عن واجب، مثل
التبرع باليدين أو الرجلين، مما يسبب للإنسان العجز عن كسبه عيشه، والقيام
بواجبه، أو كان التبرع بالعضو يضر بصاحبه بإحداث تشويه في خلقه، أو
بحرمانه من عضوه لإزالة ضرر مثله في آخر، كالتبرع باليد أو قرنية العين من
حي سليم لآخر يفقدهما، وذلك لعدم توفر حالة الاضطرار في المتبرع إليه، فكم
من شخص على وجه الأرض بدون يد أو رجل، وكم من أعمى يعيش في هناء. ولو
سلمنا بأن فاقد اليد أو العين مضطر، فإن تضرر صاحبهما المتبرع بفقدهما
أولى بأن ينظر إليه، ومن القواعد: أن الضرر لا يزال بمثله. مع أن الأصل أن
جسم الآدمي محترم، ومكرم، فلا يجوز الاعتداء عليه ولا إهانته بقطع أو
تشويه، يقول الله تعالى: (ولقد كرمنا بني آدم)[الإسراء:70] ويقول الرسول
صلى الله عليه وسلم: "كل المسلم على المسلم حرام: دمه وماله وعرضه" أخرجه
مسلم.
أما العضو الذي لم يكن في نقله ضرر على صاحبه المنقول منه،
وتحققت المصلحة والنفع فيه للمنقول إليه، واضطراره له، فلا حرج -إن شاء
الله تعالى- في التبرع به في هذه الحالة، بل هو من باب تفريج الكرب،
والإحسان، والتعاون على الخير والبر.
وأما في الصورة الثانية: وهي
التبرع بالعضو على أن ينقل بعد الموت، فالراجح عندنا جوازه. لما فيه من
المصالح الكثيرة التي راعتها الشريعة الإسلامية، وقد ثبت أن مصالح الأحياء
مقدمة على مصلحة المحافظة على حرمة الأموات. وهنا تمثلت مصالح الأحياء في
نقل الأعضاء من الأموات إلى المرضى المحتاجين الذين تتوقف عليها حياتهم،
أو شفاؤهم من الأمراض المستعصية.
مع العلم بأن في المسألة أقوالاً
أخرى، ولكنا رجحنا هذا الرأي لما رأينا فيه من التماشي مع مقاصد الشريعة
التي منها التيسير، ورفع الحرج، ومراعاة المصالح العامة، وارتكاب الأخف من
المفاسد، واعتبار العليا من المصالح.
والتبرع بما ذكر في الحالتين مشروط بأن يكون المتبرَّع له معصوم الدم ، أي أن يكون مسلماً أو ذمياً، بخلاف الكافر المحارب.
والله أعلم
وآسفة للإطالة عليكم

موضوع: رد: فكره و رأي السبت أغسطس 16, 2008 7:19 pm

ألف شكر يا نونا على طرح الفتوى لينا وتوضيح الصورة ،،،

موضوع: رد: فكره و رأي السبت أغسطس 16, 2008 8:02 pm

العفو يا ميدو
انا حبيت ان كلنا نستفيد

موضوع: رد: فكره و رأي الأحد أغسطس 17, 2008 1:50 am

شكرا يا نونا علي الافاده
و جزاك الله خيرا

موضوع: رد: فكره و رأي الأحد أغسطس 17, 2008 1:55 am

شكرا جزيلا يانونا........جزاكي الله خيرا

موضوع: رد: فكره و رأي الأحد أغسطس 17, 2008 2:33 am

العفو يا ياسمينا و نايت دراجون
وجزانا الله إيانا وإياكم كل خير

موضوع: رد: فكره و رأي الأحد أغسطس 17, 2008 5:23 pm

جزاك الله خير الجزاء يا نونا على توضيح الموضوع بالفتوى
ربنا يكرمك يا نونا

موضوع: رد: فكره و رأي الأحد أغسطس 17, 2008 8:57 pm

شكرا يانونا جدا جدا ...........مش قلتلك انك مش نونا خالص Very Happy

موضوع: رد: فكره و رأي الخميس سبتمبر 04, 2008 4:58 pm

ايه رأيكم في عمل المرأه هل انتم معاه و لا ضده
و بشكر كل الي شاركوا برأيهم في الموضوع الاخير
و اسفه علي التأخير

موضوع: رد: فكره و رأي الخميس سبتمبر 04, 2008 5:25 pm

والله انا شايفه ان الوظيفه الاولى للامراه فى الحياه هى انها تكون زوجه وام

فهى لوهتقدر تشتغل بدون ان تخل باى من احدى وضائفها كام وزجه يبقى مافيش مشكله
او فى حاله اذا كانت حاله الاسره يتطلب من الزوجه انها تشتغل عشان تساعد فى مصاريف الاسره

شكرا ياسمين على طرحك للموضوع للنقاش

وحمدالله على سلامتك

موضوع: رد: فكره و رأي السبت سبتمبر 06, 2008 10:14 pm

بعد ما قريت رد تايجر على الموضوع .....انا فعلا معنديش كلام تاني اضيفه
فانا بجد متفق مع تايجر في كل كلمه قالها.....................وشكرا على الموضوع ياياسمين

انا متفقه معاكم بس في اختلاف بسيط
اولا لازم القرار يكون قرارها يعني لازم
هي الي تقدر اهميه دورها في بيتها
كمان لازم عملها ميأثرش علي رعايتها لوالدها و ولدتها
قبل زوجها
و شكرا يا تايجر و يا نايت علي مشاركتكم

الفكره الجديده
لو كان عندك مريض حالته ميؤس منها
و ما فيش امل في شفائه يعني ايامه معدوده
هل هتصارحه بالحقيقه و لا هتعطي له امل كاذب يعيش بيه بقيت ايامه

انا آسفة بجد عالتأخير
وبالنسبة للمريض فأنا شايفة اني أديله امل لأن الحالة النفسية للمريض مهمة جداااا
بس هأعرف اهله حقيقة الحالة بحيث انهم يكونوا على علم
وبرضو من ناحيتي ومن ناحيتهم نحاول دايما نوفرله الجو النفسي المناسب

وبأعتذر مرة أخرى على التأخير

انا الاول باشكرك جدا ياجاسمين على الفكرة
انا من وجهة نظرى ان الضرب والقهر هايزرع عند الطفل نوع من الجبن اللى
يخليه يعمل الغلط وهو عارف انه غلط بس لمجرد انه بيخالف باباه ومامته وكمان مش هايكون عنده الجرأة انه يعترف بالغلط
لكن على النقيض لما يكون فى نوع من الثقه بين الاباء والابناء اعتقد انه مهما كان الخطأ اللى ارتكبه هايعترف بيه لانه عارف انه هيلاقى حل مش تأ نيب وضرب وقهر لان مش عيب ان الانسان يغلط العيب انه مايتعلمش ومايتغيرش ويكون عنده لامبالاه بالواقع بتاعه
________________________________________________________
سبحان الله عددماكان وعددماسيكون وعددالحركات وعدد السكون..............................
______________________________________________________
انا باعتذر ياجاسمين لان الرد ده مش فى مكانه هو متاخر شويه

انا مش هاعرف المريض لان الحاله النفسيه لها عامل كبير جدا فى التاثير على الاستجابه للعلاج
بس لازم اعرف اهله ان حالته خطيرة بس مش لدرجة انها ميؤس منها
علشان يكون فى رعايه واهتمام للمريض من اهله وكمان مراعاة لظروفه ................شكراجدا ياجاسمين فعلا باحس بالمتعه وانا باشوف الافكار
____________________________________________________
سبحان الله عددماكان وعددماسيكون وعددالحركات وعددالسكون

شكرا يا ايمان علي مشاركتك لينا برأيك
ولو عايزه تقولوا رأيك في اي موضوع فات اتفضلي
كمان لو عايزه تطرحي اي موضوع للنقاش اتفضلي اكتبيه
و يارب تفضلي منورانا بمشركاتك علي طول